يابن معزي راحت جدادنا سمول= وسمولنا صارت نضافن جدادي
حدت بحال ماعلى حالها زود= حدت بحال ماعليها مزادي
قامت تحاولني على حكة العود= وانا بعير في يدي القيادي
متشوفتي يوم اسرح اشوي واعود= تقول منجومن عن الدرب غادي
سعدا تلوم سعود في غفلة سعود= على الجواد ووارثين الجوادي
تقول تكفى تجمع البيض والسود= ياشاعرن شعرك زناده زنادي
شعرك ترا شعرك فوايد هل الفود= مقعدك متعلي وهيجتك وادي
نسد فيك سدود ونفجر سدود= انت السداد الي يسمى سدادي
غابتك فيها سباع وافهود واسود= وواديك منه يفيض مليون وادي
واتقولي قله على حيودي شهود= ماهي شهودن بالورق يابلادي
دايم تجود تجود وتجود وتجود= لاكن انا لازلت بيض الايادي
تنعم بك خدودا وتلطم بك خدود= ولاتعاند الي مهو قد العنادي
خصمك كريما ياجد الحلم مقرود= واله سروج مهار واله شدادي
وقصايدي ماهي سواليف نمرود=انا بعير وفي ايدي القيادي
الشعر له وجهه واله وقت وحدود= ندا ندا يبلادي انا انادي