قبيلة بني رشيد - " درس في الإيمج ردي من تصميمي للمبتدئين"

بسم الله الرحمن الرحيم

أعضاء قلعة المجد و التاريخ أسعد الله أوقاتكم
بالخير ..
\
باختصار هذا درس بسيط للمبتدئين
من تصميمي خاص ببرنامج الإيمج ردي
الملحق بالفوتوشوب .. طبعاً أنا من كثر
ما عانيت و أنا أحاول أتعلم كيف أضيف
تأثيرات على النص عن طريق الإيمج
و رغم كل محاولاتي بالبحث في المواقع
و تنزيل دروس بالنهاية ماكنت أفهم على
شرحهم و لا أنجح في التطبيق و بعد
عناء و بتوفيق من الله قدرت من تلقاء
نفسي أستوعب الطريقة ...
علشان كذا قلت بما أن ربي
أنعم علي و فهمت لازم أحاول أفيد
غيري و أنا متأكدة إنو كثير منكم مبدعين
في برنامج الفوتوشوب لكن الإيميج
مو راضي يضبط معهم ..
هذا الدرس إللي يستوعبه راح يبدع
في التأثيرات لأنه بمجرد ما تفهمه يصير
بإمكانك التعامل مع الإيميج ردي بشتى
الطرق ..
ادري أطلت في المقدمه أعذروني
و خلونا نبدأ على بركة الله ^_^
في البداية :
نفتح برنامج الفوتوشوب و ندرج العمل إللي أحنا
نبغى نشتغل عليه سواء صورة أو شكل نصممه
بالنسبه لي أخترت هذا الشكل البسيط
و أضفت له جملة " شبكة بني عبس" كما
في الصورة :
http://g-la.in/up//uploads/images/domain-576c6ce3f3.jpg
بعد كذا أضفت جملة جديدة "قلعة المجد والتاريخ"
و خليتها فوق الجملة الأولى بالضبط مثل
ما أنتم شايفين بالصورة :
http://g-la.in/up//uploads/images/domain-9c264ce523.jpg
بعد كذا ننتقل لبرنامج الإيميج ردي عن طريق
الضغط على الرمز إللي أسفل الأدوات
كما في الصورة :
http://g-la.in/up//uploads/images/domain-a70721db29.jpg
و بعدها راح ينتقل العمل بالكامل إلى الإيمج
و هنا لازم نتأكد من ظهور مستطيل مشاهدة
الحركة و كمان مربع الطبقات ..
و بحالة عدم ظهورهم نضغط على كلمة نافذة
بأعلى الصفحة و نأشر على كلمة الطبقات
و كمان على مشاهدة الحركة و راح يظهروا
لنا كما في الصورة :
http://g-la.in/up//uploads/images/domain-f8b40e60e2.jpg
طبعاً بعدد الجمل نكرر الصورة ..كيف ؟؟
أنا عندي صورة و جملتين يعني لازم
أضيف الصورة مرتين علشان الجملتين .
طيب كيف أضاعف الصورة ..؟
عن طريق الرمز الصغير في مستطيل مشاهدة
الحركة و إللي هو تحت الصورة مباشرة ..
أضغط عليه مرة واحدة علشان يصيروا
صورتين مثل ما أنتم شايفين بالصورة:
http://g-la.in/up//uploads/images/domain-91b7a7ca47.jpg
بعد كذا نضغط على الصورة رقم واحد كما
في الصورة :
http://g-la.in/up//uploads/images/domain-341ad6e81b.jpg
بعدها ننتقل لمربع الطبقات و نبدأ نشتغل
عليه ..أهم مافي الموضوع هي الرمز
إللي على شكل عين ..
فـ العين معناها إنو الطبقة ظاهره ..
هنا شيء مهم خذوها قاعدة الأشياء
إللي أبغاها تظهر على الصورة إللي
أنا مأشرة عليها أحط بجنبها العين و إللي
أبغى أخفيها أشيل من جنبها العين ..
و بما أني ضغطت على الصورة رقم واحد
راح أحط العين بجنب جملتي رقم واحد
و كمان بجنب الصورة و أشيلها عن
الجملة رقم 2 و عن أي شيء ما
أبغاه يظهر على صوتي مثل ما أنتم
شايفين بالصورة :
http://g-la.in/up//uploads/images/domain-ef94121680.jpg
بعد كذا أنتقل لـ الصورة رقم2 و أضغط عليها
و أنتقل لمربع الطبقات و نفس إللي سويته
في الصورة رقم واحد إلا أني أشيل
العين من جنب الجملة رقم واحد
و أحطها بجنب جملتي 2 و كمان
أشيلها من جنب أي شيء ما أبغاه
يظهر على صورتي رقم 2 و أضيفها
بجنب أي شيء أبغاه يظهر عليها ..
مثل ما هو ظاهر في الصورة :
http://g-la.in/up//uploads/images/domain-f98feb774d.jpg
و ألحين جاء دور التوقيت .. طبعاً نضغط
على المثلث الصغير إللي تحت الصورة
و نختار التوقيت المناسب كما في الصورة:
http://g-la.in/up//uploads/images/domain-31f31cbaee.jpg
و بعد ما وقتنا الصورتين نشغل العمل بالضغط
على زر التشغل مثل الصورة :
http://g-la.in/up//uploads/images/domain-15e9db5df4.jpg
بعد كذا نحفظ العمل عن طريق :
ملف ==> حفظ المحسن باسم مثل ماهو في
الصورة :
http://g-la.in/up//uploads/images/domain-b7181002a2.jpg
بعدها نختار المكان إللي نبغى نحفظ
العمل فيه ..
و كمان نضبط الإعدادات زي ما تشوفوا
بالصورة :
http://g-la.in/up//uploads/images/domain-d4bcf51cb9.jpg
هذا الشكل النهائي للعمل :
http://g-la.in/up//uploads/images/domain-db258fcaa4.gif
و بكذا خلص الدرس و يا رب تكونوا أستفدتوا^_^
و دمتم بحفظ المولى ...