|
الصداقه والكفاله ...!!
السلام عليكم ورحمة الله وبركاته
مساء أو صباح الخير اخواني واخواتي اعضاء منتدى قبيلة بني رشيد شبكة عبس كل عام وانتم بخير الحقيقه كنت اتناقش مع احد الأخوان عن موضوع الكفاله والكفيل الغارم والمشاكل المترتبه على هذا الموضوع وحبيت اطرح عليكم هذا الموضوع والذي يعانى منه كثيراً من الناس في هذا الوقت .. الكفاله والكفيل الغارم .. احياناً يجيك شخص عزيز عليك وتكن له كل المحبه والتقدير..... ويطلب منك إنك تكفله وأنه لايوجد إلا انت من يكفله ويطلب الفزعه منك بكفالته في سياره أو بيت أو قرض أو أرض أو أي شيء... وتقف معه وتتزهل له وتروح أنت وياه وتخلص كل الأجراءات وتسجل في الأوراق إنك كفيل غارم يعني إذا ما سدد هو أنت من يسدد و تتحمل الأقساط .. تروح الأيام والشهور يبدأ بالتراخي في التسديد ويطوف شهر وشهرين وثلاثه..... تجي الشركه صاحبت الحق وتطالبك بالسداد وتدخل انت وصديقك في مشاكل مع الشركه ومن يسدد وفي النهايه يجحدك صديقك وتتورط في التسديد... بعدها من المحتمل أن تنقطع العلاقه وتزعل من صديقك بسبب الكفاله والفلوس ......... وش رايكم بهذه النهايه السيئه للصداقه بسبب الكفاله . فيه حكمة تقول ((يزعل مني صديقي وفلوسي عندي، ولا ازعل عليه وفلوسي عنده )).. يعني لو طلب منك أحد تكفله ورفضت بيزعل عليك لكن فلوسك عندك لكن المصيبه انك تسوي معه معروف وتكفله ويجحدك وتتزاعلون وفلوسك عنده ... لماذا وصل بنا الحال الى هذا الحد !! لماذا لايلتزم الشخص بالسداد على الأقل يفك كفيله من المشاكل وهو الذي ساعده وكفله !! ...هذه المشكله خربت على كثيراً من الناس فالبعض كان يسلف وحصل معه هذا الموقف بعدها حرم يسلف أو يكفل أحد .......... والمشكله الأكبر من كذا لو حصلت معك من ناس قريبن صعبه تطالبه بسدادك أو بالشكوى بعد انتهاء القسط كماهو متبع في نظام الكفاله على حسب علمي .. والمشكله الأعظم أذا تحملت ذالك وتحملت الديون ولكن دون النظر الى مافعلته لهم أو حساسهم بأن مافعلت لهم طيب.... المفترض يشكرونك عليه أو على أقل شيء يعترفون بمعروفك !! ارجو التعليق والمشاركه من الجميع وابداء وجهات النظر في هذه الموضوع .والذي نسمع كثير من الاخوان يشتكون في مثل هذه التصرفات ... مما راقي لي اتمنى ان يعجيبكم الموضوع ونستفيد من ارائكم تحيااتي لكم.... |
أخي المشعل أسعد الله مساك بكل خير
وفعلا أخي وضعت يدك على الجرح النازف وهاذي هي عادتك 0000000 أخي أعتقد بأن الكفاله الغارمه يتحملها من وجهة نظري من رضاء بها حتى ولو أتاني صديقي يجب أن لا أضع راسي بالمشنقه وأشنق نفسي فبكل أمانه ووضوح أعتذر له عن الكفاله لا نه ربما يماطل وحصلت مع الكثير من أناس معناأنا ووالدي بعناهم سيارات ويحضر كفيل غارم جارم كما يقال ويستمر القسط ست أشهر الاولى وبعدها يبدا بقطع الصرافه ومن ثم نبدأ بالمطالبه ونتوجه للكفيل بغض النظر عن الشاري لا ن هو من رضاء ثم يقوم التسديد دون معارضه ولكن أعتقد بأن ليس من شروط الصداقه الوقوف مع الصديق بمثل هذه الحالات إلا إذا كان من الاوفياء لأن الصداقه الحقيقه التي بمنأ عن المصالح كهذه أنا أعتبرها مصلحه ويجعلك ياصديقه بدوامه ثم يقطع الصداقه ولا يسلم عليك حتى سلام سنه 00000 لذا أنصح كل صديق بأن يبتعد عن كفالات كهذه حتى ولوكان صديق فليس عيبا أن تعتذر من البدايه بل العيب الهواش والشكاوي التي تختم بها تلك الصداقه 00000000000 لك خااااااالص ودي وكل عام وانت بخير0000000 |
والله شف ونا خوك الناس للناس والكل لله
اذا جاني صديق وعزيز علي ونا واثق منه ليش مااكفله لأن هاذي اجرائات الشركات لابد من اتباعاها يعني اذا مالقا كفيل خلاص تتبطل البيعه !!! اعتقد انها قويه شوي والرجال تفزع لبعض مافيها شي ولكن مااكون امعه اكفل كل من هب ودب واي واحد يجيني اكفله هاذي غشامه واللي يكفله رجال ويسوي معه معروف واخر شي مايسدد او يتماطل اعتقد هالرجال مابوجهه دم والمفروض تحطه مع الغنم لأنه مهوب رجال ويعطيك العافيه المشعل على اثراء هالموضوع المهم لاهنت |
إقتباس:
وعليكم السلام ورحمة الله وبركاته أخي المشعل الحقيقه أعجبتني هذه الجمله..موضوع هادف لي عودة بإذن الله.. |
إقتباس:
اشكرك على هذا الطرح الرااقي وفعلاً بأنه ليس عيبا ان تعتذر من صديقك عن الكفاله وأفضل من المشاكل وخسر الصداقه بعد الكفاله اذا لم يسدد ويتهرب عنك أو حتى يتجنب السلام عليك بستثناء الأصدقاء الأوفياء والذي تثق فيهم وقادرين على السداد ويقدرون المعروف ... مشكور على المداخله الراائعه والتي اضافت على الموضوع الشيء الكثير تحيااتي لك |
إقتباس:
مشكور على الطرح الراقي وفعلا الناس للناس والكل بالله ومثل مقال شاعرنا مساعد الرشيدي بأحد شطر الأبيات الناس للناس والجدران لظلالها نعم من شروط الشركه تتطلب وجود الكفيل وهذا أجراءات مطلوبه ولابد من اتباعها ولكن المشكله بمن تكفله !! حتى البعض وإن كنت تثق فيه ولكن هل ظروفه تساعده على السداد ! البعض من الذين نكفلهم ينوي السداد والأنتظام بتسديد الأقساط ولكن لظروف وتراخي منه لايسدد ! وبالأخير انت من يتحمل الديون ربما تسدد أكثر من مئة الف ريال بدون وجه حق وربما سدادك عنه يضعك في مواقف صعبه المفترض بمن نكفله أن نتأكد بأن هذا الشخص من الأوفياء ومن يثق بهم وأن يكون قادر على السداد .... نسناس الهوي يعطيك العافيه كل الشكر لك على هذه المداخله الأكثر من راائعه تحيااتي لك |
إقتباس:
نورت الموضوع وبنتظار عودتك ان شاء الله تحياااتي لك |
السلام عليكم ورحمه الله وبركاته
والله الناس ماهم سواء فيه ناس اكفله وافتخر وفيه ناس مالك الشرف بان تكفله وتسوي فيه معروف واليوم الخيب خرب على الطيب والناس المماطله خربت على الناس الاوفياء ولكن خذها قاعد ه معاك طول الحياه اذا كفلت احد الله يعينك اعتبر نفسك انت المسدد للمبلغ المطلوب احيان تعمل خير شر تلقى واسل الله ان يسدد يقضي دين المدينين ويسر امور المعسرين ويشفي مرض المسلمين وتقبل مروووووووووري ولك الاحترام والتقدير اخوك ابو بيان |
| الساعة الآن +4: 11:40 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
