ياويل حالي
 

سيد الغنادير جعل البيض يفدنك
وأحلى القصايد عساها فدوة أعيانك
أبيات شعري اذا غنيت في فنك
قامت تغني من الفرحه علشانك
لايخدعك يالغلا فكرك ولا ظنك
أني افكر ولو لحظه بنسيانك
ولو طال بعدك ترا مالي غنى عنك
يشتاق قلبي ولا ينطاق هجرانك
وان كان الايام عن غاليك غرنك
اذكر حبيبٍ يمر الوقت ماخانك
دوك البراهين لو كانن يفكنّك
غالي وعندي علاا مقدارك وشانك
عيون قلبي من الأشواق يبكنّك
خله يعيش الحياة برقة أحضانك
تجري مع الدم .. وعروقي يضخنّك
وفي وسط قلبي نقشت وعنوانك
ياويل حالي اذا طالعتني كنّك
تذبحني (( الله يلعن جد شيطانك ))
مافيه مثلك ولا والله يجيبنّك
بنات حواء ولا يقفن بوزانك
قدامهن قد مشيت وهن يتلنّك
محدن يطولك ولا يقوى لعصيانك
يعني .. جمال .. وعقل .. واخلاق .. يزهنّك
وراي ماصير مجنونك وهيمانك ؟؟
ابا أطلب الله .. عساني منحرم منّك
ويحفظك لأمك ,, وأبوك ,, ويحفظ أخوانك
ماجد بن حباب

لاهنت ع النقل الرائع

تقبل مروري . تحياتي

صح لساانك والله يعطيك الف عاافية

الله يعافيكم ومشكورينننننن علي المرورررررررر