قبيلة بني رشيد - قصيده عجبتني

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - قصيده عجبتني (http://ban3abs.com/aa/showthread.php?t=64324)

قصيده عجبتني

شح القمر ما عاد يطلع و ينشاف
الليل عاتم والصحاري محافيف

تبرق بروقٍ رعدها سيل هتّاف
في وحشةٍ فيها المخاطر مصاديف

الدار ماهي دار عزٍ ومضياف
دارٍ خلَت ما حوّطوها مواليف

وأنا بذاك الليل ساري و خطّاف
البرد هالك والعواصف مناسيف

وديان تجري سيرها فيه رجّاف
أسمع صدى وطيور تشدي مخاويف

إن لاح بارق بانت أصناف وأصناف
شفت الوحوش اللي تسن المراديف

أمشي ورب الكون حافظ ومسعاف
والليل في مجراه طاف المناصيف

الدرب خذني صدفةٍ فوق مشراف
وأنظر بعيد وشفت نورٍ شرى الطّيف

حتى وصلت اللي عليه الزمن طاف
بيتٍ وفيه الناس قاموا مواقيف

قالوا صديقٍ؟ قلت تايه ومولاف
تكفون جيت لداركم لافيٍ ضيف

تكفون دلّوني على درب لولاف
ماجيت شايل بندقيّه ولاسيف

أناالجريح وجرحي اليوم نزّاف
واللي جرحني في الهوى سهم حرّيف

جمعة بن نايم

أناالجريح وجرحي اليوم نزّاف
واللي جرحني في الهوى سهم حرّيف

النمر يعطيك العاافيه

ابياااااااات راائعه
صح السان شاعرها وصح ذوقك واختيارك

ولاهنت على النقل الراائع

تحياتي لك

لاهنتووووووو مشكورين الجميع علي المروري