الا يا مغرقه قلبي بحبك = بعد ما كان في بر الاماني
حياته في بحر حبك سعادهـ= ولو لحظه خرج مات ابثواني
تنصبتي مليكه فوق عرشه = ينفذ ما امرتي بالبناني
مطيعٍ طاعتك جنات عمره = ونبضه يعزف لحبك اغاني
وانا لو قلت له ارجع عليه = عصاني ما تقل يسمع عصاني
ولاني لايمٍ قلبِ تعذب = عذابه في هوى حبك رماني
بعد شفت الجمال اللي سحرني= على عقلي غلب سحره بياني
جمالك لو نظر له كل عاقل = يصيبه من بعد عقله جناني
جمالك مصدر الكل الجمالا = صعيبٍ ينصفه وصف اللساني
كواكب السما منًه تضوي = واخذ منًه قمر سبع وثماني
مليكات الجمال بكل دوله = معاها مالهن ذكر ومكاني
بعادي عنها عله وبلوى = وقربي منها طبٍ شفاني
اغار من الثياب اللي عليها = تلامس جسمها الغض اللياني
عليها غيرتي ناراً تواقد = سبايبها شغف حبٍ سباني