الجبال اللي تزحزح مـا تزيـح =والغصون أدنى هبـوب تزولهـا
اعتنز علـى جبـل و لا تطيـح =الجبـال تـذرّي اللـي حولهـا
والصراحة مزعجة وأنا صريـح =تزعجك مـا تزعجـك بآقولهـا
شاعرٍ موهوب و لساني فصيـح =وسابحٍ عرض البحور و طولهـا
والأفاعي روسهـا تنـدح نديـح =والعقـارب سمّها فـي ذيولهـا
ما على الدنيا ضميـرٍ مستريـح =كـل خلـق الله تعـن خيولـهـا
ذا يون و ذا يحـن و ذا يصيـح =و ذا يخطّف راسهـا و رجولهـا
والشعر .. هذا قبيح و ذا مليـح =وكلبوهـا ســاريٍ مفعولـهـا
اجلد القبيـح فـي وجه القبيـح =وقول وش رايك؟ و أقول أصولها
و إلا أنا ما قد مدحت إلا المديـح =الجمـال اللـي تشيـل حمولهـا
و الصراحة مزعجة و أنا صريح =تزعجك مـا تزعجـك بأقولهـا
و إلا تدري ما يصح إلا الصحيح =خاطـب العالـم بقـد عقولـهـا