|
احمد الناصر الشايع و بعض من قصائده
أعالج لوعة المغرم وتكبر لهفة المشتاق=بحسن رضاي أسوق خطاي أقدم رجلي وأفهقها أهوجس من طلوع الشمس إليما غيبة الأشـفاق=و لا أدري في ظلام الليل رجلي وش يوافقـها بصبر وأتصبر مير لضن الصبر ما ينــطاق=لقيت الصبر مر ولو ينوش الكبد يحرقـها إلا يا كاملين المعرفة سلك الغرام دقاق=إلى صاب القلوب الله يعافينا يخرقها أنا لي صاحبٍ خده ورى الشيلة كما الـبراق=بعرض المزنه إللي مثل شمس الظهر بارقـــها خلقها الله وزين خلقها وأخلاقها الخلاق=قليلٍ جنسها في جيلها سبحان خالقـها لها عينٍ ليا لدة بها تذبح بها العشـاق=بها وصفين من عنق المهاه وطول عاتقـها إذا ما شفتها ضاقت بي الدنيا وصدري ضاق=وأنا لو الهوى لي كان عيني ما تفارقـها أحب مشاهد الغالي عسى ما هو بحب فـراق=ولو راح أتبعه في مغرب الدنيا ومشرقــها إذا جا الليل ما شفته يزيد بصدري الدقـاق=معه روحي بسلك العلم ثبوت الله معلقـها إذا عرّض عليّ أوقف مثل وقفة كسير الساق=وساعات الوداع أسرع من الكدلك دقايقــها أنا وياه جددنا القسم و العهد و الميثـاق=ولكن قدرة الله سابقة محدٍ يسابقـــها تعاطينا العهد في واحدٍ من عاهده ما بـاق=مادامان الثقه بالنفس يلزمنا نوثقـــها أنا اعرف ناس ما تنقاد بالدنيا ولا تـنسـاق =ولو تعطيك عهد الله أمانة لا تصدقها تشوف أزوالهم مثل العرب مير لله الـــرزاق=متى ما هب نسناس الهوى يظهر حقايقها |
..............................
|
هذه قصيدة للشاعر الكبير احمد الناصر الشايع نشرت في جريدة الجزيرة وحبيت ان انقلها لكم :
يا بعد نوم الليل عن حجر عيني شاعرنا الكبير في موهبته وعطائه الشعري وبإنسانيته وتعامله الراقي مع الجميع أحمد الناصر الشايع فجع قبل فتره بموت ابنه الأكبر الشاعر محمد الأحمد الشايع - رحمه الله - وقد شاركه أحزانه الكثير من أبناء هذا الوطن بمختلف فئاتهم، لكن يبقى حزن الأب لفقد ابنه أكبر من كل شيء رغم اليقين الصادق بأن الموت نهاية كل حي.. شاعرنا كتب هذه الرثائية الباكية التي بعث بها ل (الجزيرة) بوساطة الزميل فهد المقحم.. ويقول فيها: يا بعد نوم الليل عن حجر عيني =صبر على ما صار من وال الأقدار صبرت صبر باح منه الكنيني =أضحك مع العالم وكني على نار ما غير أهوجس بين نفسي وبيني =يعلم بها العلام في كل الأسرار تقل اتحرى لي علوم تجيني =مع الطروش اللي يجيبون الأخبار فهمت رأس العلم من كلمتيني =من يوم قالوا جا محمد ونصار تكسّرت عقبه جرايد يميني =عز الله اني عقب ما صار صبّار من عقبها ونيت لي ونتيني =ونة غريب بالخلا ضاع واحتار لولا الله أبرك ثم قوة يقيني =لا طير مثل الطير من كف صقار تخنقني العبره وأفرّك يديني =واحترت مثل مصالي النار والغار علم يخلي كل قاسي يليني =كنه على قلبي رصاص أم كرار الى ذكرت عياله المصغريني =هذا يعزيهم وهذاك زوار احد على جنبه واحد له ونيني =جتني هموم القلب من كل الأقطار قلت اصبروا والله مع الصابريني =الله يكافيكم صواديف الأشرار عسى عوضنا الحي بالميتيني =ناصر ونايف ذخرا سر واجهار وأحمد وعبدالله ذرانا الحصيني =صغار سن وان بدا اللازم كبار يجبر عزاي اللي بخلقه ضميني =محيي العروق الميته عقب الأمطار مالي عن المكتوب فوق الجبيني =لو رحت شرق وغرب ويمين ويسار صليت نصف الليل لي ركعتيني =أطلب له اللي للخطيات غفَّار خفف ذنوبه يا أرحم الراحميني =في ماقفٍ ما ينفعن فيه الأعذار جعله برضوانك من الفايزيني =بالماقف اللي به يضيعن الافكار في ماقفٍ به كل خافي يبيني =تمت وصلى الله على سيد الأبرار |
صح لسان شاعرها وسلمت ايادي فلاح الفلاح
طرح رائع وقصيده جميله " " " تحياتي |
إقتباس:
لك ودي وتقديري |
إلا يا كاملين المعرفـة سلـك الغـرام دقـاق إلـى صـاب القلـوب الله يعافينـا يخرقهـا يعطيك العافيه على القصيده المنقوله وكنت ابحث عن صاحب القصيده من زمن بعيد والحين عرفته منك ولاننسى انه غناها كبير الفنانين خالد عبد الرحمن مشكور من كل قلبي |
إقتباس:
ولك كل الشكر لحب الغموض على المرور والذوق الرائع ولا شكر على واجب لك ودي وتقديري |
صح لسان شاعرها وسلمت ايادي فلاح الفلاح
طرح رائع وقصيده جميله تقبل تحياتي دمت بود |
| الساعة الآن +4: 06:50 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
