فهمت انا مجمل قصيداً تغنيه = يا واحداً ما بان شوقك و ودك
هاك القصيد الي من القلب ساقيه = أسقي به أزهاراً ربت تحت يدك
ياصاحبي وان كان تفهم حراويه = شعراً كتبته بعد هجرك وصدك
أسمع قصيدي واسفهل بمعانيه = ولابد ما نلقى جوابك وردك
لاتحسب أن القلب تقدر محانيه = تصبر على نكران حبي وبعدك
ماهو على كيفك تجيبه توديه = دامه عرف وشلون مزحك وجدك
انت الذي للهجر بانت مساعيه = ولاشفت انا دمعه وطت جال خدك
سيلٍ هفابك وأستجلت دعاويه = سيلٍ غشى زرعك وغطلس بسدك
وهمٍ غدابك وأبتلشت بتواليه =حتى حسبت القلب ياصاح ضدك
ياهيه كلمه قبل ما القاف أبنهيه = أفهم صميل العلم لاخاب جدك
ما كل شيءٍ يذهل النفس تبغيه = ولاكل من ضامه زمانه يهدك
وأما تدوس القلب .. تقطع رجاويه = والا ترا حبل المواصيل عندك

اقتباس من مشاركة عبداللطيف العايضي (المشاركة 1223458) صح للسانك يا دامي الحرف ما كل شيءٍ .. يذهل النفـس تبغيـه ولاكل من ضامه ... زمانـه يهـدك تقبل مروري

اقتباس من مشاركة عبداللطيف العايضي (المشاركة 1223458) ما كل شيءٍ .. يذهل النفـس تبغيـه ولاكل من ضامه ... زمانـه يهـدك تقبل مروري