قبيلة بني رشيد - مراسله بين سعدان عابس و عبدالله السلوم

قصيده لشاعر سعدان الرشيدي ارسلها لعبدالله بن سلوم العنقري التميمي يقول فيها:

ماللشـعـور ان هـــاج بالـفـكـر كـتـمـان=فـــي كوكـبـفـي هـيـجـه الـبــرد دافــــي
هيـضٍ تهيـض بـه سمـا الفكـر طربـان=خــيــل خـيــالــه بـالـخـيــال مـتـقـافــي
ناضـت بروقه..وامطـرت فيـه الالـحـان=وامـطــر مـشـاعـر مـبـهـمـات لــوافــي
مـشــاعــرٍ تــخــتــال بــعــقــودالأوزان=لــهــن ورا بــحــر الـقـوافــي مـنــافــي
لا استر سلن مـن جوهـر الفكـر باتقـان=اصـعـاب واذعــن صعـبـهـن للعـسـافـي
يـقـودهـن قـــود الاصـايــل بــالارســان=هجـسٍ رمـع فـي خاطـري واستضـافـي
ذكـــر الـــذي مــاقــل قــــدره ولاهــــان=عـرفـه..وفـي كـــل المـواجـيـب وافـــي
ذكــره بفـعـل الـطـيـب عـنــد الـمـلابـان=كالـجـدي فــي ســود اللـيـالـي يـشـافـي
إسـمـه لـرمـز الـجـود والمـجـد عـنـوان=مـجـد مــن الـمـاضـي التـلـيـد مـتـلاقـي
سليـل مجد..بـداح مــروي شـبـا الــزان=العنـقـري.. والـرمــز واضـــح وكـافــي
مـعـروف والـتـاريـخ معـطـيـه بـرهــان=مـن حيـث ماطيبـه علـى النـاس خافـي
لوجيـت اصــرح جــف والفـكـر ملـيـان=الـــزاج.. والا مـانـفـى الــقــول نــافــي
عـبــدالله الـسـلـوم قــصــدي ومــاكــان=قصدي سوى اشكي له من الوقت جافي
ذاك الاديــب مـخـلـد إسـمــه بـالاذهــان=عــذبٍ سـمــا فـكــره بـعــذب الـقـوافـي
بـــه مـيــزةٍ مـاهـيـب بـفــلان وفــــلان=ريــف الـخــوي.. بالنـايـبـه والـعـوافـي
يامنـتـهـى شكـواي..مـاهـز الاغــصــان=الا الـهـبـايــب مـحــدثــات الــســوافــي
انــا تـعـبـت احـيــا بـلـوعـه وحـرمــان=اكــــن بـاعـمــاق الـخـوافــي خــوافــي
تنتابنـي مــع هجـعـة الـنـاس الاحــزان=يـــوم الـمـريـح بـلــذة الــنــوم غــافــي
صــار الـفـؤاد لجـمـع الاحــزان مـيـدان=والـحــال احـــال رفـــى الـحــال رافـــي
اضحك.. وانا من داخـل الـروح زعـلان=اصـبـر عـلـى مابي..واخـفـي واخـافــي
شــــرهٍ بنيـتـبـزيـف الاحــــلام بـنـيــان=والـواقـع اوجــد فــي بـنــاي اخـتـلافـي
عشت الخيال احيان.. واحيـان واحيـان=وحــق الخـيـال بـواقـع الـحــال هـافــي
تناقـضـت فــي نـاظــري كـــل الالـــوان=ومــاكـــان قـدامـي..تـخـلـف خـــلافـــي
صـــار الامـــل تـالـيــه يـاطـيـرحـوران=مـثــل السراب..بـسـحـم بـيــد الفـيـافـي
بـيـنــت فــــي ذات الانـسـان..الانـسـان=الا ان مــافــوق الـبـسـيـطـه تـصــافــي
والعـفـو كـــان بـمــا كتـبـنـاه نـقـصـان=عـرفـي قليـل..وعـرفـك اكـبــر ووافـــي

وهذ رد الشاعر عبدالله بن سلوم التميمي :

لاهـنــت يـامـرسـل غـريـبـات الافــنــان=مــن هـيــض فـكــره وافـيــات نـضـافـي
كـان الشعـر يسعـد فهـو شـعـر سـعـدان=نـــاره تـوهــج واكـثــر الـشـعـر طـافــي
يالـيـت مـدحــك لـــي وزنـتــه بـمـيـزان=ولاطــغــى حــبــك وجــانـــي جــزافـــي
واثـــق ولـكــن دبـــرة فــــلان وفــــلان=خـلـت نـمــط بـعــض الـمـدايـح تـعـافـي
وانـا ارتفـع بـك فـوق عـن كـل حـقـران=يابلـسـم عـــن كـــل الامـــراض شـافــي
يـاخـوي لاتـسـمـع ضعيـفـيـن الاركـــان=كــــم واحــــد خــلــوه بــالــدو حــافـــي
عــدوان حـتـى لـــو تـسـمـوا بـصـدقـان=بـالـهــرج والـسـنـهـم حــــداد رهــافــي
جـنـب كثـيـر الـنــاس لاشـفــت بـهـتـان=واخــتــر لـعـرفــك طـيـبـيــن الـمــلافــي
كــم بــارق يكـشـف سـديـدات الامـــزان=ولاتــشـــوف الا ســمـــوم الـصـيــافــي
لامــنــه لاســيــل ولانــبـــت ريــضـــان=ارضــه مـحـل يصـدمـك فـيـه الجـفـالـي
يـامـا تـشــوف وطـالــب الـحــق ديـــان=مـــن مـايــلات الـوقــت حـتــى تـعـافــي
هالـوقـت رعيـانـه غــدو فـيـه شـيـخـان=وارقـابـهــم طــالــت ســــواة الــزرافــي
الا وشـاعــرهــم وحــيـــد بـــالاوطـــان=ماينـطـحـه مـرشــد وصـقــر النـصـافـي
احـــزاب لـكــن بيـعـهـم بـيــع خـســران=ازجــوا بضاعـتـهـم بـســوق الكـسـافـي
دنـيــا يـحـيـر بــهــا لـيـبـيـن الاذهــــان=مــــدري وراهـــــا يـامـكـافــي تـكــافــي
وارجـع واقـول انـك معـك عقـل ولسـان=وعـقـلــك يـمـيــز طـيــبــات الـمــرافــي
لاهــنــت يـافـاتــح لـشــكــواك بـيــبــان=فتـحـت بـــاب وبـــاب صـــار متـجـافـي
ان كــان هـمـك ديــن فابـشـر بقـضـيـان=ان قـــــل والا كــثـــر عـــــدة تـــلافـــي
ماللـرفـيـق بـسـاعـة الـضـيـق مــزبــان=يـقـوم طـولـه فـــوق الارض الكـشـافـي
ويـرمـي كـتـاف مـنــوخٍ جـــاه بـلـشـان=ويـجـدع حـمـولٍ فــوق حـــم الشـعـافـي
وانـكـان هـمـك فــوق طـاقـه وحـسـبـان=مـاحـمـلـك ربــــي بـحــمــل الـســرافــي
يمشـي الفـتـى درب مـشـوا فـيـه جــدان=ويمـضـي مــن الدنـيـا حمـولـه خـفـافـي
الصـبـر مفـتـاح الـفـرج رافـــع الـشــان=والـعـز يـــدرك مـــع يـبــوس الاشـافــي
اصبـر علـى الشـدات كـلـش لــه اثـمـان=راع الثـمـر يـنـسـى الـتـعـب بالقـطـافـي
وان عاضبت فا اشعب طويلات الارسان=ومثـلـك عـلـى قـطـع الفـيـافـي سـنـافـي
لا انصـك بـاب وضـاق بالرجـل مسكـان=وصـــار بـطـريـقـه مـيـلــة وانـعـطـافـي
فطـيـر السـعـد لـلـعـز يـكـفـخ بجـنـحـان=ومـانــاش مـخـلابــه يـجـيــه الـتـلافــي
اريـــاً بــدت،والــراي لـلـعـقـل نـيـشــان=وسـمـان الاريــا غـيـر الاريــا العجـافـي