نحمدك ياكريم ومابرجواك ياس=ياجزيل الوهايب يامديم النعم
ماعلى الدر ضيم ولا على الجود باس=يوم عًود حبيب الدار شيخ الكرم
طاب سلطان أبو خالد وزال العماس=وأنتهت كل ضيقة وأنجلى كل هم
بشروا به قلوب قد طواها اليباس=أونست من فراق الشيخ مثل اليتم
وبشروا به عيون مانهشها النعاس=لاغصيبه ولا حتى بحبة خشم
وبشروا به طوابير سقاها حماس=لين رويت سواعدها ثبات وعزم
وبشروا كل عزٍ ماعلية ألتباس=وبشروا ياسلام وبشروا يالنعم
الف لا باس ياللي ماأنهزع منك باس=رغم الأوناس وأمرار الدواء والألم
غبت عنا قوي إيمان مرفوع راس=وجيت سالم وغانم شامخٍ مبتسم
ياهلا بك عدد مااسمل جديد اللباس=وعد..ماحطمت..بالجود كفك رقم
كن لقياك ماء .. وكن الأيام كاس=مدها الله وزال بها العطش والسقم
جيًتك عيد .. وغيابك ظلام ودماس=بك تباشر قلوب وبك ترسخ قيم
تعتزي فيك ناس وتبتحل فيك ناس=وأنت في كل حالاتك جوادٍ شهم
مال علياك ياعلو المكارم قياس=يابعيد الهقاوي يالأبي الأشم
ياوسيع البنايد ياصعيب المراس=ياحجانا ليا ضاق المدى وأزدحم
ياكريم السجايا ياصدوق الحواس=لا .. كبت .. بك .. جواد.. ولا عثرت بك ..قدم
مانشدنا قصايدنا على أية أساس=ترتكز في الحنايا مثل ركز العلم
لأنك أنت البديع ..ولأنك أنت الجناس=ولأن نبض القلوب اللي تحبك قلم
دمت للدار نبض..ودمت للطيب ساس=سيدي من وجودك .. لا خلا ولا عدم

مشكور اخوي فهد على النقل
وصح الله لسان ابوفيصل

اقتباس من مشاركة المـمـيز (المشاركة 1198008) لأنك أنـت البديـع ..ولأنـك أنـت الجنـاس ولأن نبـض القلـوب الـلـي تحـبـك قـلـم دمـت للـدار نبض..ودمـت للطيـب سـاس سيـدي مـن وجـودك .. لا خـلا ولا عـدم كفوووووووووووووو ياابو فيصل وصح اللسان ابو فيصل ومشكووووووووووور اخوي فهد على النقل والله لايحرمنا منك

اقتباس من مشاركة محمد الراشد (المشاركة 1198010) ياهـلا بـك عـدد مااسمـل جديـد اللـبـاس وعد..ماحطمت..بالـجـود كـفــك رقـــم كـن لقيـاك مـاء .. وكـن الأيــام كــاس مدهـا الله وزال بـهـا العـطـش والسـقـم مشكور فهد ارويتنا شعرا تحياتي

اقتباس من مشاركة ابوديما (المشاركة 1198916) مشكور اخوي فهد على النقل وصح الله لسان ابوفيصل