ياهيه انا ماني على الوصل ضاري = من يوم حبيتك اعيش انتظارك
بس انبسط مالك ومال انتظاري = ماهو لزوم انك بضيقي تشارك
محظوظ في شخص" يحب ويداري =في كل حالاتك نعيمك ونارك
لو كان بانت بالبدايه مواري = غضيت طرفي عن تغير مسارك
وانتي بكيفك عن عيوني تواري = افرد جناحينك وكمل مطارك
ماوالله بعينك تشوف انكساري = لو عشت انا مابين نارك وغارك
ماني بمترجيك هذا قراري = وان جيت منت بضيف نورت دارك
طبعي كذا لا اغليت والبعض داري = ولك حق في مثلي تزيد افتخارك
خذ راحتك واترك علي الطواري = لو كان صبري معك عيا يتبارك
لو منت قد الحب هذا قراري = باعيش ليلك لين يطلع نهارك
وان قلت لي مجنون قلت اضطراري = وان قلت جبت العيد عيدك مبارك
شكرا الي ذوقي وحسن اختياري = لو كنت في غيري اسئت اختيارك

مشكور اخوي ابو بيان
على نقل هذه القصيده التي اتحفتنا بمعانيها
وماهو غريب الابداع من شاعر بحجم محمد الراشد

تقبلوا تحياتي