بسم الله الرحمن الرحيم

السلام عليكم ورحمة الله وبركاته

إخواني أعضاء وزوار منتديات قبائل بني رشيد

كما عودناكم في كل اسبوع نختار محاورة مميزة من محاورات الأعضاء

هذا الاسبوع وقع الإختيار على محاورة الشاعرين : ابو عوجة و السبع الضاري





أبو عوجة

الليله المعنى على سبع الجبل=اللي بجحره غاديله هرهره
مال الحمول الكايده غير الجمل=وش الجمل وش الجمل لولاء ظهره

السبع الضاري

الليله المعنى على عقد الحبل=والحلق ابوحنجور يروا غرغره
جاك الجمل سوق الجمل فيماحمل= اربح رجل بالمعرفه واخسر مره

أبو عوجة

المنحله ماحطت الا للنحل=وانته تعد الضلع والا تحدره
سقت الجمل لكن من الحمله جفل=عياء لايبرك والحمول مصغره

السبع الضاري

الناس تبلش بالرغاوي و الخبل=لاتدبل كبود العرب بالثرثره
ان طعت شوري يابو عوجه تعتدل=ترا العلوم العوج مافيها اثمره

أبو عوجة

اعرفك باقي لك اشعره امن العقل=خلك مابين الميمنه والميسره
وان كان الك قدره تعدل بالحول=على يدينك عدله ثم انجره

السبع الضاري

الظاهر ان اللي نبا مافيه امل= حدت على بيض الصعو والحمره
ماني ماحسب بالحروف وبالجمل=لكان مانبغى دروب السرسره

أبو عوجة

ياللي أكلت امن البصل اشبع بصل=صوتك من اصوات الووحوش المنكره
الظاهر ان ابراسك يبيض القمل=طالع ابوجهك ياعلي بالمنظره

السبع الضاري

الناس وصلت بالفكر كوكب زحل=يوم ان ابو عوجه بالارض أله اغبره
انعاج ساقه واكسره كثر الجدل=لو عانق نجوم السماء من يكسره؟

أبو عوجة

ياللي براس الضلع سويت الدحل=دحل ٍ تحفره مثل حفر المقبره
انته عجل وانا محب اللي عجل=وان كان ابو عوجه تكسر جبره

السبع الضاري

سبع الخلا سرحان ماطب الوحل= يوم الوحل مايطيح به غير ابقره
العجل ابو عوجه على بلع الفجل=مير التأني خل عنك الفرفره