بسم الله الرحمن الرحيم
بدون مقدمات من اروع ما قريت
7
7
7
قساة الكون في عيني وقلبي ما إهتنى وما إلتـم
قسى هالوقــــــت يـا قلبـي وضيَّـع كـــــل راحاتـي


جروحي فوق طاقاتي بكيـت وفـي عيونـي دم
رضيت آنا على القسوه وضاعت كـل بسماتـي


تعبتْ / وما صِدَقْ حَظي وفوق الهم أشيل الهـم
صغيرٍ في العمر آنــــــا وكبيـره حيـــــل مأساتـي


محدْ يدري عن أخباري محد في دنيتـي مهتـم
وحيدْ أمشي مع همِّي وكبيرْ الحزْن فـي ذاتـي


سِمَعْ قلبي عَنْ الراحَه واهيَّه مِنْ الوهـم أوهـم
أعيشْ آنا بوسط واقــــعْ نهاياتـي فـي بداياتـي


ياليت تفيدني الحسره ياليت أرتـاح لـو أنـدم
صعبْ أرتاح فـــي الدنيـا حزيـنْ بكـلْ حالاتـي


سفينه مِنْ الصعب ترسى واهي مِنْ الموجْ تتحطم
أشوف البحر فـــــي عــــيني لقيـت المـوجْ دمعاتـي


كثير قلوب غرقانه واهي منْ الوقتْ مـا تسلـم
بحر هالوقت هَمْ يغـــدر وهـذا معنـى كلماتـي


يا قلبي الطِيبْ ما ينْفَـعْ عشانـي ركِّـزْ وإفهـم
أنا ملِّيـتْ أعلِّـم فِيــــــكْ وإنـتَ تزيـــدْ آهاتــــي


أمانه كان لِي خاطـر مِـنْ اللِّـي صـار تتعلـم
ويا قلبي إتـرك الطيبـه بعـد قــصـة مُعاناتـي

وسلامتكم

اقتباس من مشاركة محمد الراشد (المشاركة 1181705) امانه كان لي خاطر من الي صار تتعلم ياقلبي اترك الطيبه بعد قصه معاناتي مشكوره دلوعه اختيار الحلو تحياتي

اقتباس من مشاركة بدر بن محمد (المشاركة 1181710) مشكورررررررررررررررره دلوعه عبس على النص الراقي ويعطيك العااااااااااااافيه ولك تحيااااااااااااااتي