قبيلة بني رشيد - ياشاعر عبس

خذيت من البحور السبع درة توجـع الميـزان

اباأرفع راس مالي ومرض التجـار ووجعهـا

رسمت الخطة اللي وصلتني مصنع المرجـان

ولافكرت كيـف اجيبهامـن شـان ارجعهـا

ماتدري وش تقول الحوته اللي تبلـع الحيتـان

من اللي توجع الميـزان معطيهـا ومشبعهـا

واذاهاج البحر ماهي غريبـه يلطـم الجيـلان

تدورعيونهـا بعيونـهـا وتــرد اصابعـهـا

دخلت المعمل اللي قدصرف منه الذهب سعدان

لقيت العملة اللـي سيـد السـادات قاطعهـا

كتبت العقدبااسمي وازعل الصدقان والعـدوان

نفوسٍ تطمع المقلـول مانـي مـن مطامعهـا

ماهي حاجه غريبه وقفت الحاسدعلى البيبـان

ولكـن مايضرالنـاس حتـى نقـول ينفعهـا

لوان الحسدلاجفت بحوره تـروي العطشـان

لقـاه الحاسـد اللـي يتفـل اللقمـه ويبلعهـا

توريناالتجـارب دربنـا والتجربـه بـرهـان

دريناعن بـروق الصيـف واشينتـج تشالعهـا

توكلناعلـى الله والبطيـنـي مايصيربـطـان

محديقدريـنـزل روسـنـا والله رافـعـهـا

ياشاعرعبس لاعاش الصديق الحاسـد الجبـان

لاانـك حـي لاتبلـش بهاحـتـى نسنعـهـا

ياليت الادمي مايصلـح النيـه مـع الشيطـان

على شان المحاكم ماتحصـل مـن يراجعهـا

زمانك كل يوم بلون ثانـي والزمـان الـوان

ثقتنىفي محيط الروض الاخضركيف نزرعها

اشوف الناس تضحك والمنافق يفرق الاخـوان

ولاادري كيف تبغى اللـي يفرقهـا يجمعهـا

وجاهك يـم ذيـك الديـره اللـي كلهابركـان

ابيهاخامـده رغـم الهبـوب اللـي تلاوعهـا

مادام الداب الاسودحل عنهاصـارت الديبـان

اوادم لايعشيهاالـكـثـيـر ولايـجـوعـهـا

عقب ماهي بشجرة داب صـارت كلهاديـدان

نهايتهايـطـش الدودمنهالـيـن يمصـعـهـا

ياشاعرعبس خاطب عيدمربح ونشد الرعيـان

اشوف الناس هجت ممكن اعرف من يشجعها

رشيدابن معدي مانقـص مـن قيمـة سليمـان

مثـل ماكـان شاعرعبـس يندبهاويسمعـهـا

ولاوالله سمعـت اللـي بهذاقالـك غلـطـان

قبـل لاتعـرف الجهـال خامسهاورابعـهـا

اساميكـم كبيـره مامحتهانعـمـة النسـيـان

ولايمكـن يجـوز نجومنانجهـل مواقعـهـا

ولاعاش الصديق اللي نقص من قيمة الفرسان

ولكن كل مـن عنـده شهـادة حـق يطلعهـا

انامالي دخل بفـلان لويزعـل علـى افـلان

لياصارالكـلام اللـي يـغـث الكبديوجعـهـا

امريكا من ولاهابوش واول حرب بالشيشـان

عطابوش الولايه مجلـس الدولـه وفرقعهـا

الشاعر ...فر حان منصورالمظيبري الرشيدي