قبيلة بني رشيد - محاورة الشاعر فهاد ناصر والشاعر ذاكر عبيد

محاوره بين الشاعر / فهادناصر القعبوبي والشاعر /ذاكر عبيد العويمري ذات معنى حول قصه حدثت. ومحاوله من الشاعر/ ذاكر عبيد المناقشة الموضوع لكن الشاعر فهاد ناصر يحاول التخارج من الموضوع ليس عجزا" لكن لايحب الخوض فيه ...

اترككم مع المحاوره

ذاكر عبيد

قوم يافــــــــــهاد والعلــم تقفاه العلوم 000 انت شاعر والمواقيف تبغى ارجالها

سالفه بالشرق يوم انها هبت سموم 000 علموني والليالي تجي في فالها

فهاد ناصر

ابشر اني محزم" بالدفاع وبالهجوم 000 واهل مكه صوب مكه تشد ارحالها

السوالف واجده بين معطى ومحروم 000 مير علمني عن الوانها واشكالها

ذاكر عبيد

ادري انك لا وصلت البحر تقدر تعوم 000 وصاحبك يعرف مطاليعها ومدخالها

الليال التاليه ماتعلم بالوســـــــــــوم 000 من لقاها جاهزه حطها واشتالها

فهاد ناصر

لا طلع ضوح القـــــمر لا تطالع للنجوم 000 رح بفالك والعرب خلها في فالها

لا تكلف في كلام" وهــو ماله لـــــزوم 000 ان قصرنا قيدها وان سرت بعقالها

ذاكر عبيد

لا تضايق يابن ناصر ترى بالـــدرب قوم 000 سج رجلك مع رجال" وسيع" بالها

المواقف تحكم الرجل والضيف امحكوم 000 طالعوا بيمينها طالعوا بشمالها

فهاد ناصر

دائم" ضيف الكرامه مكرم ومحشوم 000 علم اصحاب الاذاعه تبث ارسالها

وسلامتكم جميعا"