قبيلة بني رشيد - محاورة بين الشاعرين نواف العازمي ورشيد بن معدي :

وهذ محاورة بين الشاعرين نواف العازمي ورشيد بن معدي :

نواف :

ياسلام الله عليكم والوفا مفتـوح بابـه
والوجيه البيض نعرف صدقها ومجاملتها
من يشب النار جعل النار تالع في ثيابه
والعرب مافيه كلمة غامضة ما حللتهـا

رشيد :

ياهلا يامرحبا بك وأنت ذيـب مـع الذيابـة
وأم سالفة كما الكبريـت تحصـد سالفتهـا
وأنت من حزب النيابة مير ما أنت مع النيابة
كـل سالفتـن تسجـل يـم قمـة عارفتهـا

نواف :

البقا في صاحب نعرف حضوره مـن غيابـه
إن عطانا أول علومـه ننشـده عـن تاليتهـا
أنت من روس العصابة مير ماأنت مع العصابة
مالقينـا لـك شريـط يشتـغـل بمسجلتـهـا

رشيد :

ماعليك قصور ياللي من طلابه في طلابه
وكل سالفتن جديدة تلتحق مـع سابقتهـا
جيت في ميدان ليلى والحداثة والغرابـة
وجيت أغازلها بلطف وغازلتني والدتها

نواف :

أنت ياراعي السؤال اللي تدور للإجابـة
الجواب يقول ماهي مشكلتنـا مشكلتهـا
دايمن تحفظ خطا صاحبك وتضيع صوابه
وإن غلبك الأمر جعل الله يقنيك بركتهـا

رشيد :

والله إنا نكرم الرجال وندقـق حسابـه
والعرب دايم تضيع لياتهور عارفتهـا
نعرف الرجال وناديه في حضرة جنابه
مير بعض الناس تنظر للنجوم بقايلتها

نواف :

سكة معهارسول الله مشت معها الصحابة
عيشة ديم يحرمهـا تراهـا محرمتهـا