البارحه ياسعود شفت العنودي =مورد الخدين قلبي يتله
قلادية(ن) بقصى سلايل جدودي =عبسية(ن) حازت على الزين كله
سود المحاجر في بياض الخدودي =وجمر الغضا من تحت سيف(ن)يسله
شفت البرد في وسط جمرأ ودودي =لاذاب ثلج ولا طفى الجمر لله
رمش حنون ورمش آخر حقودي =وراحت حياتي بالرموش المظله
من شافها قلبي يغيب ويعودي =واخاف من يوما يخلي محله
عذلت قلبي والمشاعر تزودي =وبينت له من بعض سيات خله
ادعج غنج وعيونه وساع سودي =وطلة قمر في وسط شعرا يفله
فيها نظام العولمه مايسودي =وفينا نظام العولمه تستغله
لياعرظت قالو سهودًا مهودي =تسقط عروشاًقبلها مستقله
من شفتها تقرب وتبغي حدودي =اعلنت عقد الحرب لكن تحله
من شانها جندت كل الجنودي =وطوقت عرش القلب لاتستحله
جاني واخذ القلب ظبي النفودي =وهديت له مع ساقت القلب فله