قبيلة بني رشيد - قصيده عبسيه

قيلة هذه القصيدة بمناسبة الاحتفال الاول لافتتاح منظمة عبس لشاعر نافع عيد الخياري الرشيدي المشارك في قلطة الوطن

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

ياعواذل كفوا العذل ما بالعذل خير= = والله انــه مايرد المولع عن هواه

وان رايتوا دمع عيني على خدي غزير- قولوا انه يذرف الدمع من شيً حداه

ما يلوم اهل الهو ى غير من لاله عشير-=- ولابكى فرقا محب ولاحيـى بكاه

ادري ان الحب داء وشرمستطيــــر=- = - وادري ان المهتوي ناقل داه برداه

لكن اني في هوى قلبي اسير= - -ولالقلبي عن هـوى من تولع به نجاه

احسبني كل ما اكبر يجي حبه صغير= - واثره اللي كل ما اكبر يطاولني غلاه

لاذكرته كن قلبي من ضلوعي يطير= - ولااذكراني قد نسيته لو انه بالصلاه
والله اني لافقدته كما الطفل الغرير= = - لافقد شيء ودور عليه ولالقاه
-وصاح صيحة ياس من حزن من اقصى الضمير= =البكى والنوح والحزن ما يجبر عزاه

كم بكيته لين دمعي شكى منه النظير= = كن جفن العين مزن كريمً هل ماه

والرجا في مالك الملك والرب البصير= = = السميع المعتلي مايخيب من رجاه

وابتدائي با لغزل ادري انه قد يثير= = =الغرابه وادري أنه قدلايعرف مداه

اقتدى بالشعر في عنترومثله زهير= = ومن معلقاتهم يقتبس شعري ضياه

ولاجل عبس اسل سيف القصيدمن الجفير= = واعتزي في عزوه ماوراها لي عزاه

ولارحم من لايجيبه حماس ولايغيـــر= = ولارحم من لايلبي ندا داعي دعاه

ايها الحفل الكريم ايها الجمع الغفير= =- اصغوا لقول الخياري وبثي يا قناه

بالنيابه عن كويت الوفا شعبً وامير= = -دار من يكرم ضيوفه ومن ينطح عداه

مرحبا واعداد ماغرد الطير العصير= = -والصباح وما غشى الكون ليل في دجاه

في قبايل عبس واللي حضر مع عبس غير- عبس ما ذعذع من الغرب والمشرق هواه

ياقبايل عبس والمجد الاول والاخير= = - يارجال بالمواقف لهم قدر وجاه

مجدنا مجد مخلد ومقطوع النظير= = - والدليل اللي ترى عينك وعيني تراه

اجتمعنا رغم طول المغيبه والمسير= = - من دول شتى ومن كل صوب واتجاه

الخليج ونجد ومن الحجاز ومن عسير= = واليمن والشام ومن العراق وماحواه

وليبيا والمغرب وغيرها الشي الكثير= = ارتيريا مع مصر والسودان وماوراه

لو نزحنا ما نسينا اصلنا مهما يصير= = حافظين الاصل والدين حامين حماه

ديننا والاصل والسم مع وسم البعير= = ثابتات عندنا مثل نقش في صفاه

ديننا دين اخر الرسل والهادي البشير= = وربنا واحد ولافيه معبود سو اه

واحد ماله بملكه خشيرولاشوير= = استوى من فوق عرشه على الماءفي سماه

نثبت اسماه وصفاته على نهج النذير= = احمد المبعوث ومن اتبع نهجه هداه

واصلنا من عبس مرويت الشطير= = من بني عدنان في مبتداه ومنتهاه

وسلمنا محفوظ في برد والافي هجير= = حافظينه مثل مايحفظ الوالد ضناه

الكرم والطيب ومعالج الوضع الخطير= = بالعقول المركه والتأني والاناه

وانتشابه بالملامح إلى حــدكبير= = من بعض فينا تشابه ولافيه اشتباه

والسبب في ذلك انه ماخا لطنا خشير= = حافظين انسابنا عن دنو وعن دناه

مانناسب ساقط الاصل لو انه وزير= = من ثقتنا مستوانا تعدى مستواه

يوم بعض الناس وان جاه تاجر لو حقير= = ماله اصل يزوجه لاجل ماله والوجاه

ماطلبنا العز في بيع لباس الحرير= = ولاكسبنامجدنا من تحت كم العباه

كاسبينه بالمراجل وبالفعل الشهير= = لو ضريبه كسبنا المجد فقدان الحياه

مجدنا يسمع به اصم ويشوفه ضرير= = واتغنا به سلاطين وملوك ورعاه

من غنات النفوسنا كن مافينا فقير= = - عزة النفس هي بنضرعبس هي راس الغناه

لو لباس العبسي الصوف وفراشه حصير= = وطاوي جنبه من الجوع مايلقى عشاه

مايوطي هامته غير للرب الخبيـــر= = رازقٍ خلقه جميعاًولاشح بعطاه

وننصر المظلوم والظالم الباغي المغير= = ننصره بنكارنالين يرجع عن خطاه

وندفع الظلم ونجيرالضعيف المستجير= = ان نفع بالجاه والمال والابالقناه

في ذرانا يامن ويطمأن المستذير= = كن عبس ابان وطويق وجبال السراه

للرفيق احلى من الشهد واصفى من غدير= = والدخيل نزبنه والعدو نلعن ثواه

ان شعمنا النار للحرب والادق زير= = - العدوتبت يداه العدو تبت يداه

ماله الا الموت والرمح والشر الشرير= = سيف اجرد يقطع الراس ويمزع شواه

نارد حياض المنايا كما وراد بير= = وسيفنا ما كل دم يبي يقطع ظماه

كان جرينا الكتائب شبع بالجو طير= = ويشبع السرحان والسيف مروين شباه

ونكرم الضيفان ونجود من جودالقدير= = مثل غيث جاد في ماه للقاع وسقاه

ولانقدم للضيوف ان لفوا شيء يسير= = - ضيفنا نكثرله قراه ونعجل قراه

اول قرنا هلا للضيوف وللقصير= = ومرحبا من قلب ولساننا حلو نباه

وثاني قرانا لهم حايل اوكبش كبير= = وبن اشقر يقعد الراس ويطير خواه

والضعيف إذا لفايبشر بخير وفير= = كم ضعيف فضلنا من فضل ربي كساه

ونطعم المسكين ونزيد بالكيل ونمير= = ولانمن بما عطينا ولانطلب جزاه

غيرمن رب له الكون ولكونه يدير= = نحمده ونجود من جوده ونشكرثناه

ولانقول ان من الناس افضل او أخير= = ولابخسنا حق الاجواد من حضر وبداه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ