قبيلة بني رشيد - محاورة فهاد ناصر ونواف العازمي

نواف

ياسلامي علا الحفله وروس الرجال===قبل اسلم على ليلى ومجنونها
جيت اسوق المعاني مثل سوق الجمال=== الرسن في يدي والحمل بمتونها

فهاد

مرحبا عد ماهبت هبوب الشمال=== قلتها وهل الحفله يقولونــــــها
انت لازلت ياصاحب تشد الرحال ===ماحسبت لنتايجها ومضمونها

نواف

البقاء في عميلٍ له شهور وليال=== لاورى هقوت العاقل ولادونها
كل شين بهدنيا يصير احتمال===وهــل المعرفه مـــــاباح مكنونها

فهاد

ابشر انك مع المشوار روح وتعال===تتعب الرجل ودنيا على لونها
عمها عمــــها لازال في كل حال=== الحقيقـه تبين لـــــــو تخفونها

نواف

المشاوير احد م**ب واحد راس مال===واهل الهون ممشاها على هونها
ياعمام القضيه وش مصير الخوال======هم يشيلونها والا يحـــطونها

فهاد

ماتدخلت لين انه حصلي مجال===قلت بعض العرب مايستحقونها
مالنا من وراء هالسالفة راس مال==اعصوا انفوسكم والا تطيعونها

نواف

الحقيقه ماهي كل الليالي تقال ===فيه حــــــاجات بعض الناس ينسونها
سيلها دون برق ورعد وشلون سال===منهو السايق اللي في درقسونها

فهاد

تبتعد مير معك بشمس والا ظلال===تعرف الناس لاتظلل على عيــــونها
عمتك عمتك هي عمتك يابلال =====معك لو البقر حجت على قرونها

نواف

مرحبا بالعلوم اللي تحل الجدال===مير بعض العلوم الغش ببطونها
مال عين الحسد والحقد غير الخلال==نازلً من حواجبها على نونها

فهاد

ان هليت وان غنيت في كل جال===عاقدين الحبال ولا تحلونها
انت شاعر ولكن فيك زايد خبال====والخباله لهلها لاتردونها

نواف

اشهدولي على عقاد روس الحبال ==عقب ماقلت حال الياس من دونها
كيف مالت عليك وحملها كيف مال ==ساع دارت رحاها زان مطحونها

فهاد

قلت لـــــــــي اقطع رجاي المحال==بعد ماراحت اخشومً تحبونها
قلت لك عام الاول لو بخشم الريال ===اترك الفلفه واللي يسوونها

نواف

ابن قعبوب رجال كريم السبال===كم رجالاً بجاهه تسقط اديونها
وانت في فيته تاكل حرام واحلال==امل يمناك واغسلها بصابونها

فهاد

كان الطيب منك اخذه ومستور حال ==مير وهبه من الله ماتردونها
انت اشوفك من الايام مشغول بال===لا واذكرك بالنخله وعرجونها

نواف

انت رجال لكنك تكد الدحال ===المجدر تخاشرها بماعونها
ماسرت غير ذيك اللي بليا عقال==بين سمر الجبال تعد طبلونها

فهاد

ياقمر مبتداك هلال ترجع هلال==عننا كرت الكشخه بكرتونها