روائع احمد الناصر
 

لا جزيت بخير ياذاك الشعيب=كل ما مريت من عندك بكيت
اذكر اللي قد مضى وانحب نحيب=ليتني باقصاك ما بعت وشريت
المودة جرحها جرح عصيب=وانت يامضنون عيني مادريت
ليت زولك عن عيوني ما يغيب=اشهد اني في المحبة قد بليت


يا ناس قولوا لغض العود=تكفون يا ناس قولوا له
ما اشوف له من عذابي زود=كثر التصاديد وش هو له
ابو ثليل اشقر مرجود=اسمع بذكره ولا اطوله
وعيون نجل هدبهن سود=يذبح بهن من يجي حوله
يا كثر الازوال بيض وسود=ماهم بمثله ولا حوله
عقب المودة جفا وصدود=ما شفت زول مثل زوله
ان مت ابالقى عليه شهود=عنقه وخده ومجدوله
اسهر وكل العيون رقود=اليا تباطيت مرسوله
يا زين حبل الهوى ممدود=لكن سجاياه مجهولة

منقول

مشكور اخي فهد على هذا النقل الرائع
والشاعر احمد الشايع من عمالقة الشعر وصح السانه
وتقبل مروري

مــــــــــــــــــــــــــــــــــشـــــــــــكــ ـــــــــــــــــــــــــــــــــــــــووووووووووو وووو ر اخوي الاجهر اخوي فلاح مروركم يشرفني