قبيلة بني رشيد - لاصار قلبك ماصفا لي لحالي قلبي غيور ومايبي زحمة الناس

تدري خطانا بالحياه...!
إن زرعنا أحلامنا فوق السحاب
وقلنا متى نصبح شباب ,
ونقطف ورود أحلامنا والأمنيات
ولما كبرنا وجينا نسأل حلمنا,
تدري وش لقينا.....؟
لقيناأجمل حلم مات..
وبعده درينا..
إن أجمل شي فينا.."الذكريات"
***

لاهزك الطاري
من الشوق راسلني
لاتحجب إحساسك
عن إحساس غاليك
صعاب قلبي تخطاها
وتحدى حزن سكن يمه
أحزان كثر الملأ خلاها
وقدر يبدل شقى همه

***

يا عجول بالحكم دايم تمهل
كان لك قلب و لك عين بصيره
لك نزفت العطى ما القصد أتجمل
كنت صادق في القليل و في كثيره
كنت أنا أسأل عنك أبي لو يوم تسأل
كنت ادور لك عذر حتى اقول خيرة

***
لاصار قلبك ماصفا لي لحالي
قلبي غيور ومايبي زحمة الناس
دور وتلقى من بالمحبه بدالي
لابد ماتلقى على كثر الاجناس
لا جل ان طبعي فوق كل احتمالي
الطبع غير .. وكل خطوه لها قياس

****

لا تـتـصـل بي .. دام غيري .. مــسلـيـك ..
ما أقدر أكون بــ/ دنيتـك شخص عادي ..

امـــا تجي كلك .. وفـــاء .. عـند مغلـيك
وأبشر بقلب ٍ .. مـا يخــــون الودادي ..

وإن كان غيري يعجبك حيل .. ويرضيك
كلن على كيـفه .. بــ/، حـسـب إعتقادي ..

خلــك معه .. يـــــاجعل ربـــي يهنـــيـــك..
من يتبع المقفين .. قد قيل .. ( غادي ) ..

ماعندي .. إستعداد .. أساير خطاويك
وأتبع .. دروبك .. وأنت ناوي البعادي ..

أرحل عن عيوني .. عسى الله يخليكِ
والله مانت بـكفووو .. تملك فـــؤادي ..

خلاص انا قررت من دنيتي الغيك
من صد عني قلت له .. ( شئ عادي )

***

ما عليك إن طحت ياحظي ملام
وان بغيت ألوم..قلي من ألوم
ضاقت الدنيا و لا عندي كلام
يا هي صعبه .. ضيقة الشخص الكتوم
من يلوم .. ان صار باحساسه زحام
و السهر عيا عن احزانه يقوم
ضايع ٍ وسط الهواجس و الظلام
في عيونه ياااه .. يا كثر الهموم
رغم انه عااش .. من فوق الغمام
بس ما يطمح بما دون النجوم
حط ّ له بين البشر قدر .. و مقام
وين ما وجــّـه .. عزيز ٍ و امحشوم
من تنكـّـر .. صد ّ عنــّـه باحترام
و اللي وافي .. شايله فوق الغيوم
ما نثر دمعه .. على صــدّه غراام
و لا وقف في سوق خلاّنه .. يسوم
لو زعل .. صد ّ و نسى كل الخصاام
ما يفااااارق صاحبه .. لو هو جزوم
مؤمن ان الغدر في شرعه حرااام
ومن غدَر به .. يبتعد عنه ْ .. و يشوم
و انت يا قلبي .. اصحــّـيك و تنام
ودي تصحى بس ابي تصحالي .. دووم
قلت لك لا تطمح براس النعام
و لا تطب ّ اليم ّ .. دامك ما تعوم
و لا تضيم الحي ّ .. و حيــّـك ما يضام
و ان خذوا لك حق.. لا تشكي و تلوم
العطا .. يبيــّـن على وجيه الكراااام
لا تظن الطيييييــب ينفع بالرخوم
***

ما وحشتك !؟
يعني ما هزِّك غيابي ؟
مافقدت إنتَ وجودي ؟
ماشعرت بـ " شي ناقص " !!
ما وحشتك !؟
ما طرالك قلبي بلحظة حنين ؟
ما سألت أنفاس قلبك عنِّي / وين ؟
ماذبحك [ الشوق ] وإحساسك ت ب ع ث ر !!
ما وحشتك !؟
ما تأثَّرت بفراقي ؟
ما ( يشتِّتك ) إبتعادي ؟
ماتغيَّر أي شي !!
طيِّب إسمع ..
ماجفاك النُّوم بعدي ؟
ما ندم نبضك / علَيّ ؟
ماشعرتــ بـ " إغتراب " !!
ماتحس إنتَ بعذابــ !!
يا خسارهــ !!
يعني أفهم
إنِّي أصلاً ما أهمِّك !!
ما وحشتك !؟
***
اتمنى تنااال على اعجبكم