قبيلة بني رشيد - قصيدة لفارس من فرسان عبس

ياعـلاوى نجدعلـك مراديـم السحـاب

ديـرةَ فيهاتربيـت يـوم انـى صغـيـر

ياطبيب النفس وشـو عـلاج الاكْتئـاب

اعطنىوصفة علاجه ترى وضعى خطيـر

عشت في غربة حقايق وفي وضع أغتراب

والتجـارب عرفتنـى علـى شـى كثيـر

شفت ناس ترسم الورد فى صدر الغـراب

والغراب ليا بغيت المس الـوردة يطيـر

استفدت من الذيابة ومـن نبـح الكـلاب

واستفدت من الرغى واستفدت من الهدير

ولا كسبت الا معرفـة عزيزيـن الجنـاب

ولا خسرت الامعرفة عديميـن الضميـر

اقترب لا ما اقترب شين بعض الاقتـراب

ابتعد لاماابتعـد شـى فـى حقـى كبيـر

ياسوالى كل مااطرحك ما القى لك جـواب

مالى الا الصبر واهل الصبر توعد بخيـر

وصف خلان الرخا مثل ضحضاح السراب

يفرح العطشان شوفه يحسب انـه غديـر

للردىلو هو ولد عـم لاتحسـب حسـاب

كـم عزيزذلـه الوقـت بضيافـة حقيـر

الـدروس انـواع تطبيـق والابانتسـاب

بس انا اللى طبق الـدرس قـدام المديـر

ياغريب ان مت شلنى الياهـاك الهضـاب

حط قبرى بين عنتر وابـن عمـه زهيـر

حطنى فى مقبرة عبس مرويـة الحـراب

حطنى باعلى علم عبس مروية الشطيـر

وان عسرك الوقت نطلع ونرجع للتـراب

ويـارث الارواح الالـه الاول والاخـيـر

اول الدنياطرب واوسـط الدنيـا عـذاب

واخرتها الموت والقبر وحسـابَ عسيـر

ياجزيـل الملـك ياكافـل رزق الـذبـاب

ياالهى مـن عذابـك برحمتـك استجيـر