قبيلة بني رشيد - يا شينهااااا لاصرت معجب وخجلان .......

ياشينهاا لاصرت معجب وخجلان
خوف المصارح لايجيب المطمهـ
اخاف اصارح بالغلا ذاك الانسان
وينقلب جو المصارح مذمهـ
وياشينها لاصرت مغرم وزعلان
محد يراضي قلبك ومحد يمهـ
وان رحت محد قالك وين يافلان ؟
روحتك مع جيتك ماهي مهمهـ
وياشينها لاصرت عليش بحرمان
مثل اليتيم اللي فقد شوفه امهـ
ما خوذحقه وانظلم شوف الاعيان
واللي ظلموه عيال لحمه ودمهـ
وياشين صاحب دربك ان صار ثعبان
لاهو ترك ونفذ فيك سمهـ
كنا خويا ونتسمى بالاخوان
واليوم اسمه باخبث الناس سمهـ
ياشينها لاصرت ناجح وندمان
وصلت قمه وغيرك باعلى قمهـ
مثل الامام العالم بفقه الاديان
يومه نجح والكل صارو اامهـ
وياشينها لاصرت تايه وحيران
وس الطريق وباقي فيك همهـ
ودك تروح واخر الدرب ما بان
تخاف تمشي ثم تغشاك غمهـ
وياشينها لاصرت مبلى ومنهان
والعلم كله من اكاذيب نمهـ
مافيه ضدك لادليلي ولا برهان
دخان نارك مستحيل تشمهـ
ياشينها لاصرت من روس الاعيان
ثم تنقلب في نظره الناس رمهـ
ويلاه ياوقت نواى لي بعصيان
اثر الزمن ياناس مافيه ذمهـ
ياشين طرد المقفي لو كنت ولهان
ياخذه شيطان الغرور ويخمهـ
يظن انك هايم به وشفقان
ما يدري انه لو فطس ما تهمهـ
وما شين من معاشر قليلين الايمان
درب الهدايه لا ابد ما تتمهـ
الخلق سجن وصاحبك فيه سجان
والعلم خال العز و الجود عمهـ
ياشينها اصلا بقى شي ما شان
هذي الليالي طبعها مدلهمهـ
الشين والله شين غالي الاثمان
لاقام كل رافع فوق فمهـ
ويازينها لاصرت لاهي وطربان
وحبل القصايد يرتجيك وتلمهـ
ياليل دانه ليل دانه لالا دان
ما فيه ثوب يستر اطراف كمهـ
يازينها لاصرت معجب وخجلان
تنثر علومك لو تجيب المطمهـ