صخرت انا القاف والحمت التماثيلي = لان التماثيل راعي العرف يقداها
حرصاً على شوكة الميزان لاتميلي = للي عطت وجهها وإلا تقفـــــاها
ماقيل فيها تخــــــاييلٍ وتضليلي= يومٍ اهل العرف تكتبها وتقراها
أنا المعـــــاني تطاوعني وتمشيلي = أقدرعلى غيضها وأقدر على ارضاها
اسوقها مثل ماتساق الفنــــاجيلي = في مجلس الي فعوله ماتعراها
هداج شيخ الفعول ابا المحاصيلي= ماهو نضاح الرسوس الي قضا ماها
يوصف بهداج زيزوم المشاكيلي = اما طعن مشكله والا توطـــاها
ابا العوايد مقلط عقـــــر الحيلي = يوم المساكين تبكي موت معزاها
مثل البليهي يزاد الحمل وشيلي = اشتال حملت خويه يوم سواهــا
بقا المثل بالبليهي فاني الجيلي= الله عطا الطيب ناس وناس ارداها
بعض المرض ماتفيدبه التحاليلي= جرثومةٍ عيت اشعه تمــاراهــا
انا ماعبد ابرهه ومخرطم الفيلي= ياطير ابابيـل بأولهــا وبأتلاها
يالله ياسامع النمل بدجا ليلـــي= باعث عضام رميمه عقب ممحاها
رحمتك تدخلني الفردوس عن ويلي = يوم انها تذهل المرضع عن ابناها
اسجد لمن نزل الايــات تنزيلي= وعلى محمد صلاة الله وازكــاها
الشاعر جهز العايضي
