لواسند على غيري يجـي للعلـوم البـاس=وانـا عـارفٍ كـل القبـور ونصايبـهـا

هلامرحبا ترحيبة(ن)تبعد الهوجاس=عن الصاحب اللى حس بحساس لاهبها
لمس والتمس ودنا الفتيله من المجباس=يبي نار حاسوسه قبيله يحس إبها
اسندها على نفسه واخذ صاحبي مرواس=وعرضها عليّه يوم شلفاه خضبها
وعقب ماشبك سلك اللغم وأيقض الحراس=يبي متعب الديري يعالج مصايبها
وانا مستعد ابذل جهودي ولابه باس=وأصف له علاج جروحه اللي يناسبها
على شان إشاعه عكسها تكشف العكاس= جروح(ن) عرفت علاجها لاتسيبها
انا اعطيك رايي وانته المفتي الدراس=تحلل رموز حروفها قدم تكتبها
حروف معانيها على مقرهاغلاس=تعيض وتغيض وجانب العز جانبها
لكن يابوحجرف لايمس الرشا المساس=تقّطع بتوته والبل القيظ حاظبها
يعارض محطِه واحد(ن)من نشاط الناس=يحاول يبي تخليصها لين ينشبها
نشيط وشميط وعنده السيف مثل الفاس=ويحط اليدين بحلق الافعى يجربها
وتحذر من المتعافي الارفل القباس=مكسرشداده لارنبه قبل يقضبها
تخير طريق(ن) عن طريقه وتاجد ناس=رجال(ن) تبيع انفوسها دون واجبها
هل المذهب الطيب هل الباس والنوماس=شريفين الانفس مجذب الطيب مجذبها
انا اعطيك رايي وانت رايك بعيدارماس=رجال الوفاء والطيب بالطيب تكسبها
وانا اللى اليا هبت هبوب(ن) بها نسناس=اعرف السباع الشهب وأعرف مدرِبها
وأدرّج خطاي الثابته نحو راع الكاس=طبيب المعاني كان شبت شبايبها
وأباخذ معه واعطي على صفحة الكراس=بيوت(ن) معانيها هل الصنف ترغبها
بعيد(ن)عن الشكات والدبس والدباس=وسيمه معانيها رصيد ألمكاسِِِِبها
وأنا ماأحرق الحمسه ولا اغفل عن الحماس=وانقي بكفي هيلها قبل لاأشربها
وانا مالمستك وانت لاتطاوع الوسواس=مامون الحجج مامون ماخان كاتبها
وانا وانت يانجر العصيمي لنا نبراس=ينور طريق اركابنا في معازبها
ولاأفكر على ماقلت في عذر ابونواس=وأدل السباع أجبالهاوأعرف شعبها
وتقبل تحيات(ن)بهن طب كل اعماس=وراك المعادي واجمع العقل واقصبها