قال صقر= :
ياذيب وش علمك تهيض لساني=بعواك يوم(ن)المخاليق غافين
الذئب=:
انا بلايه قو جوع(ن)حداني=الليل قمرا والضواري فواطين
صقر= :
ياذيب صوتك من مكاني شغاني=لولا الحيا جاوبت صوتك بصوتين
الذئب= :
عزي المن مثلي جداه قنباني=ماله جداو الناس ماهم ابمعطين
صقر= :
ياذيب ياللي بالخلا تداني=ماشفت لي حول الثميلة بويتين
الذئب= :
مريت لي بيتين يا مودماني=عنها شمال(ن)في ضبطها مقيمين
صقر= :
ياذيب ما قاربتهم بختلاني=اخاف تبخص لي فريق اريش العين
الذئب= :
انا الذي من شاف زولي رماني=ما حرزت اجيهم خابر(ن)غيبهم شين
صقر= :
ياذيب ماعينت صافي الثماني=عند البهم والا يرد البعارين
الذيب= :
انا معرف الصاحب المعشراني=الناس واجد والذاري مزايين
صقر= :
ما ريته ياذيب عودة لياني=النور بين قذيلته والحجاجين
الذيب= :
هذاك انا قبل امس جيته وجاني=من كثر دمعة محفين محجر العين
صقر= :
الله يوفقك ياذيب النعاج السماني=من مال كرهين الوجيه البخيلين