قبيلة بني رشيد - الحظة وداع اقسى من الموت ياصاح &&&&&&&&

قال استمع منّـي قبـل لحظـة وداع..
ياللي غلاك بداخـل القلـب مـزروع

وارجوك لا تنسى وليف ٍ لك انصـاع..
ومن وين ماودّك يجـي دايـم ٍ طـوع

يفـرح بشوفـك وان تغيّبـت يلتـاع ..
يغليك مـن قلبـه ويضويلـك شمـوع

قدّر ظروفه وافتهـم كـل الأوضـاع..
لا تزيد هم القلـب و القلـب موجـوع

لا تحسبنّي يا هـوى البـال قطّـاع ..
ولا تحسبنّي فـي العشاشيـق مخـدوع

والله فلا غيرك سكن بين الأضـلاع ..
ومهما يطول الوقت لك قـدر مرفـوع

ياما عشانـك ساهـر ٍ بيـن هجّـاع ..
أهـلّْ دمـع العيـن والقلـب مفـزوع

اقولهـا صـادق ولا نيـب خـدّاع ..
ماهوب أنا اللي مِنْه الأحساس منـزوع

وقال الوداع ابَّسمة ٍ حلـو الأطبـاع ..
قصـده يواسينـي وأنـا كلّـي دمـوع

اقفى وانا من ما حصل صرت مرتاع ..
مـدري حقيقـه أو تصاريـف دلـوع

اقفى وقلبي داخلـه هـم وأوجـاع ..
انا اشهد أنّـه لاعنـي صاحبـي لـوع

ما يرجعه دمع ٍ ولا عض الأصبـاع ..
خلاص أنا من شوفـة الخـل ممنـوع

لا واحسايف حلمنا في الهوى ضـاع ..
والله يعيـن القلـب لا صـار مفجـوع 23232bani-3abs