قبيلة بني رشيد - وأخـيـرا وجدتُ فتـاة أحلامـي ( صورتها بالداخل )

دخـول بالعمق العاطفي http://vb.eqla3.com/images/smilies/biggrin.gif

قل للمليحة في الشماغ الاحمر .. ماذا فعلتي بناسك متعبد

http://www.alhayrh.com/galry/albums/...1062686601.jpg

http://vb.eqla3.com/images/smilies/biggrin.gif
http://vb.eqla3.com/images/smilies/004.gif

السلام عليكم ورحمة الله
صبــحكم الله بالخير والمسرات
حبينا نطل عليكم بهالموضوع الخفيف نقرمش فيه شوي قبل السبت الاسود

http://vb.eqla3.com/images/smilies/biggrin.gif

مثل ماتعرفون بالعيد كلن كشخ ولبس وترزز في محاولة شبه يائسة للحصول على استحسان الاخرين
( صورة بنت كابتن القهوة على صديقة امها من زود تمثيل النعومة )

http://vb.eqla3.com/images/smilies/biggrin.gif

موضوعي وموضوعكم يتركز على مقياس اختيار شريك/شريكة الحياة
وأكثر مايركز عليه مجتمعنا الاشهب هو " الجمـال "
وبعده يجي " المـال "

( الجمـال)

zoom

تمر ام زعلان من قدامه وهو يتفرج على التلفزيون مسرعة " انا وين حطيت مفتاح غرفتي ؟؟ ياكثر ماانسى " .. .. " الله الله ياست الكل وربي مابغيت اعرفك وش هالزين ذا كله " شوي توقف امي وتنسى سالفة المفتاح اللي ضايع وتلف حول نفسها مرتين " صدق ياولدي ؟؟ عاجبتك ؟؟ " .. " ايه الحين اقدر اقول مامي أول اقول يمّه وانا يدي على قلبي

http://vb.eqla3.com/images/smilies/biggrin.gif
.. وينك يابوي تشوف الشباب المتجدد http://vb.eqla3.com/images/smilies/004.gif
.. تشوف ام زعلان لانوت لك نيه بس انت اصبر شويه http://vb.eqla3.com/images/smilies/biggrin.gif
وشو له هالتكشخ مامي ؟؟ " .. ياولدي بنروح زواج وخالتك تنتظرني امرها وانا ضيعت هالمفتاح مدري وينه .. " مامي وش مفتاحه وش خرابيطه .. روحي بس للعرس المفتاح محلولن وضعه .. الا اقول لك يمّه تراني انا اللي بارجعكم لا سواق ولاخرابيط .. اذا مابرّيتك بهاليوم المجيد أبرّك متى اجل ؟؟ " .. " ياولدي مانبي نتعبك انت بتسهر عند ربعك لو اتصل عليك مليون مره منتب راد " .. " لا مامي لا .. هذاك أول يوم كنتي تبيني اجيب لك مقاضي .. هذا أول يومك امي الحين انتي مامي http://vb.eqla3.com/images/smilies/biggrin.gif
اعتمدي بس انا اللي باجيبكم ووقت ماتطيحون اللي بروسكم بس اتصلي تلقيني انقط الطقاقه واخذك من ايدك للسياره .. لاتشيلين هم " ..

رحت وقعدت برا القاعه مع بعض الاشقاء الاندونيسيين والفلبيينيين .. شوي امي متصله وينك ؟؟ .. أقوم على حيلي و افتح الأبواب كلها وأوصل أمي للسياره وارجع اوصل خالتي للسياره واقفل الابواب .. واركب قدام واربط حزام الامان وانزل الشماغ كاني سواق مصري سعودوه اهله

http://vb.eqla3.com/images/smilies/biggrin.gif
.. واقعد ساكت ماتكلم ولا حرف وكلي اذان صاغيه للحوار الرومنتيكي اللي يصير ورا

ام زعلان :والله العريس ازين من العروس ياوخيتي
نوره : انتي شفتي ياام زعلان ؟؟ الحين هو ماشافها قبل يعرس ؟؟ ياسم الله على زين الولد بس .. الا ماتلاحظين ياوخيتي ان الزيون ياخذون شينات .. والشيون ياخذون زينات ؟؟

أم زعلان : تصدقين من حظ ولدي زعلان على كذا بيطيح بوحده مزيونه ( يبدون يكركرون ويسخسخون ضحك على زعلان ) اصصص اصصص ياوخيتي لايسمعنا سمعت انه حساس شوي

http://vb.eqla3.com/images/smilies/biggrin.gif

( صورة زعلان وهو موقف ليموزين ويقول خذهم لبيوتهم وهاك حسابك )

http://vb.eqla3.com/images/smilies/biggrin.gif

ياكثر ما يطالب الشاب بالجمال في صديقة العمر المنزلية << مصطلح حضاري لمسمى ( الزوجه )

http://vb.eqla3.com/images/smilies/biggrin.gif

تتركز مطالبه على هالعنصر الهام .. ويهون عنده كل شي ثاني .. فيها طخه من هيفا وهبي وقليل من شكشكة مريام فارس .. يصير الزواج " مسألة وقت "

اخبر مره اخت لي ابثرتني بكاريس بشار اتابع مسلسل هي بطله فيه وتجي الاخت المصونه تلصق فيني اذا جابوا كاريس وهي تكنس درج البيت .. يازعلان تشبه صديقتي ندى .. يازعلان لدرجة فصلوها من الكلية اسبوعين ليمنا جابت اثبات انها سعوديه

http://vb.eqla3.com/images/smilies/biggrin.gif
..وانا اقشم الحب وانفخه " ايوه اجل تشبه كاريس؟؟ " .. " مره مره يازعلان" .. "شفيك تقولها كذا وكأن كاريس بشار مهيب عاجبتك؟؟ " شلون مهيب عاجبتني الا عاجبتني ونص وانتي بعد عاجبتني وندى وصديقاتك كلهم يعجبوني بس خلينا نتفرج بهدوء مطبق .يوم وصل المسلسل الى اخر 3 حلقات صارت الاخت تقعد وتمر صورة كاريس ولا تعلق ولا شي .. شفيها البنت فقدت الذاكره والا ؟؟ اسوي توقف على صورة كاريس واقول لها ترى كاريس ذي .." طيب وخير؟؟ ".. " اللي تشبه صديقتك؟؟ " .. "ومصصصصصدق انت ؟؟؟ هذي مشكلتك تصدق اي كلام لو هو مزح .. بالاخير طلعوا متهاوشين لفتره .. وزين انهم تصالحوا عقب ماخلص المسلسل .

تخطب البنت صديقتها لأخوها .. أول ماتسأل عن شكله .. وضروري جدا تجيب صورة له والا تتفركش الخطوبه كلها ..وتقول لها " مايهمني شكله مره اهم شي انه مملوح ومقبول " .. تجي صديقتها اليوم الثاني شايله ظرف كبير ويبدون يقعدون على عشب الجامعه الجميل كل وحده منسدحه على كوعها قدام الثانيه " وريني وريني " .. وتبدا عملية التبادل الممنوعة الاخت تعطيها صورة وهي تقول " وهذي صورته برحلة قنص في أم الجماجم " .. " وهذي صورته وهو يغرق اختي بالبحر في الشرقيه "

http://vb.eqla3.com/images/smilies/biggrin.gif
.. كل ماشافت البنت صورة وهي رفعتها للشمس كانها خمسمية مزورة .. ولوت فمها وقالت " واللي يسلمك مانبي نخسر بعض انسي الموضوع كله . الله يرزق اخوك باللي احسن مني .. ناقصه شهابه انا؟؟ "http://vb.eqla3.com/images/smilies/biggrin.gif

نصائح زعلانيه على جنب

http://vb.eqla3.com/images/smilies/biggrin.gif
http://vb.eqla3.com/images/smilies/004.gif

اخي الاشهب الالهب/
حاول تعدل شهابتك .. لاتترك الموضوع للظروف.. لاتعتمد كثير على اخلاقك العاليه ترى مهيب كل شي في الحياة

http://vb.eqla3.com/images/smilies/biggrin.gif

أختي الشينة القبيحة /
اهتمي باناقتك ولبسك ترى كثير هالموضوع يغطي على عيوب شكلية مايعلم بها الا علام الغيوب سبحانه

http://vb.eqla3.com/images/smilies/biggrin.gif

( المـال )

حنا كشباب نجلس كثير ونسولف عن مواصفات فتاة الاحلام .. الشكل اللي في خيالك ؟؟ .. العمر اللي في بالك ويناسبك تطلعاتك ؟؟ .. صدمني واحد من الشباب يوم جا دوره بالكلام قال " ابيها مدرّسة " ناظرته بنص عين " ترى باعطيك مجال تفكر وانتظر رايك بعد دقيقتين "

http://vb.eqla3.com/images/smilies/biggrin.gif
قال مدرّسه يعني مدرّسه .. " قلت طيب مواصفات ثانيه في بالك ؟؟ " قال لا " اهم شي مدرسه ". سحبت بوكي وطلعت منه هالصورة

7
7

http://www.s77.com/up/thumbs/cad5b5d278.jpg

طيب لو قلت لك وحده تشبه ذي ؟؟ " زعلان اقصر الحكي ذي مدرّسه ؟؟" .. " والله ياحبيبي هي من ناحية مدرسة فهي مدرسة اجيال كامله لكن ماتستلم راتب يعني تقدر تقول انها عمل خيري ؟؟ "

http://vb.eqla3.com/images/smilies/biggrin.gif
قال " لا ابي مدرّسه براتب"

المال عديل الروح .. والمال نزهة النفوس .. فيه تتحقق المطالب وكثير من الامنيات .. لكن هل يمكن ان أجعل المال مقياس حقيقي في اختيار شريكة الحياة ؟؟
المال سلطه في يد مالكها .. فاذا كان الشاب بيبني اختياره على المال .. فراح يفقد كثير من آهلية القوامه اللي كفلها له الاسلام .
ايضا اختيار الزوجه للرجال الثري .. وهو اهون عندي من قضية اختيار الرجال
وممكن يكون من شدة تركيزها على هالنقطه انها تجي على حساب التكافؤ العمري بين الطرفين .
حكى لي من اثق فيه عن قصه حقيقية صارت بمجتمعنا وبالرياض تحديدا عن فاتنة من فاتنات الدهر والزمان

http://vb.eqla3.com/images/smilies/biggrin.gif
http://vb.eqla3.com/images/smilies/004.gif
.. غرها هذا الجمال اللاحدودي وقررت الارتباط برجل معروف بثرائه الفاحش جدا كان مسألة الوصول لهذا الرجل سهلة جدا في واقعها الاجتماعي اللي تعيشه .. كان تفكيرها يصب على ابهار هذا الرجل بامكانياتها الجباره .. تزوجت هذا الرجل الثري وكانت النتيجة " مطلقه بعد 3 أشهر من الزواج " http://vb.eqla3.com/images/smilies/139.gif

خلاصة الكلام
والسؤال موجه للجنسين ( الاخوة المقبلين على حتفهم

http://vb.eqla3.com/images/smilies/biggrin.gif
.. او الاخوات المقبلات على التنكيد على حرية الشباب ) http://vb.eqla3.com/images/smilies/biggrin.gif

اذا استثنينا " الدين والاخلاق والتربية " وش اللي يهمنا في مواصفات شريك الحياة ؟؟

انطلقوا - بارك الله فيكم - << واقف على الموضوع ومعه مسدس وعلم ابيض واسود

http://vb.eqla3.com/images/smilies/biggrin.gif