السوق بحر(ن) والبحر فيه هامور=والبحر شهر يهيج واسبوع هادي
يعني نزيل السوق مخطور مخطور=اما لقاها صبـح ولـى هجـادي
ياكم ميسور(ن)تحـول للمعسـور=باع القصور وهام في كـل وادي
من بعد مايملك عمارات وقصـور=اليوم كنه وسط سجـن انفـرادي
يامروج الكذبه تراء مانت معـذور=عبر الاذاعـه للخسـاره تنـادي
انا لبيب وخطوتي تتبـع النـور=ماضيع في ليل(ن) كثير السوادي
مسمع من الدقاق لو يعطي الشور=ولو صرح السكران ضائع وغادي
الراي راي مقدي العمـي والعـور=وصيته مثل مثل العسل في فوادي
هاذك مدحـه مانوفيـه بسطـور=ابو مشاري غيـر والكـل عـادي
ابادره في صدق واقـول مشكـور=انت الذي تصلح خبير اقتصـادي

الله اكبر على اللي شال قلبي وراح = شال قلبي وروح به وهو مادراء
شيب الراس وانا شاب ضبي البراح = شفت انا الشيب منه وغير ماينطراء
والمصيبه خذا قلبي معه واستراح =كل ماجيت اقربه منه عود واراء
والليالي بوصله يابن نايف شحاح = فرقتنا عقب ماحنا بزاد احشراء
كل ماقلت حضي قام ياناس طاح =والحقيقه تراني ماعرف اللي جراء
والحقيقه ماخيل كل براق لاح = غير برق الوسم لا لاح ثم امطراء
جعل قلبي فداء له جد ماهو مزاح = كان مارد من حاله ماحد يقدراء

ليا ضاف صدري شلت انا الهاتف الجوال = وكلمت سيد البيض مدعوج الاعياني
ليامن سمعت الصوت انا الهم عني زال=لو إ ن الهموم اكثار واشكال والواني
انا من غيابك حالتي وسط (.......) حال = من الغربه اعاني من اغيابك اعاني
عسى الله يصبرني على البعد والغربال = وعسى الله يجمعنا سواء بدار جداني
ديارن اهلها كلهم يشرحون البال = ليا جيتها مرتاح وان رحت طفشاني
ديارن تعيش بوسطه لو مامعك ريال =على الطيب والفزعه مع اطوال الايماني
يعيش الضعيف وسطهم تقل عنده مال =ويكرم عزيز النفس لو كان فقراني

عزالله اني ياخلي ضقت وسط الشمال = الديره اللي قصر صدام بطرافها
عجزت لسلاء وزاد الهم والليل طال = ماكني الى قوارب ضاع مجدافها
وسط البحور العميقات العراض الطوال = موجن يجيها وموجن من قدم طافها
هذي جروحي نديه داوها بالوصال = اشيلها في ضميري ماحد" شافها

على كبر الفضاء ضاق بي منا ومناك = على كبر الفضاء ضاق والسبه غيابك
انا بالبعد والقرب يازين اتمناك = ابا عيش العمر معك يوم الرب جابك
تراء ماني غريب الدير لصرت وياك =انا ودي اعلمك وش حضرة جنابك
تراك انت ملك قلبي اللي جعله فداك = ملكة القلب وروح ياسلم لي شبابك

صح لسانك يابو بيان قصايد جزله

وانا اقول هاذي ماهي محاوله

انت شاعر واصل
والله يوفقك