رد السبع الضاري على قصيدة ناصر خنيفر
هذي قصيدة ناصر خنيفر (العمدة) سلام ياسبع الخلا سـو الاضعـان=سلامٍ احلا مـن حليـب المغاتيـر وحلا من الماء لالمس كبد عطشان=في لاهبٍ جوه سمـوم ومعاصيـر ومن بعد هذا زان تنضيم الالحـان=بالمفردات اللي تشـوق الشواعـر احساس شاعر صاغ قوله ابرهـان=نضمه ليا من عد يفرق عن الغيـر ماجابهن سلفه من فـلان وفـلان=بنـات فكـره واردات ومصاديـر اقولهـا ماهـو تكبـر وحـقـران=مثلي كثار ولاعـلا الكـل تقصيـر وعنزتهن للي كما السيف شامـان=ساس الرجال الطيبيـن المشاهيـر اللي نظم شعره كما سهيـل لابـان=ايصور المعنى بالامثـال تصويـر بالنضـم و لايادخـل كـل ميـدان=قطفه من الاثنيـن مثـل النواويـر واليوم بحت السـد مافيـه كتمـان=وكتم الهموم يفجر الصـدر تفجيـر الله مـن همـن لفانـي مسـيـان=يكفخ بصدري مثل مايكفخ الطيـر وكل السبب باللي خذة جرد الازمان=جرد السنين تقصر العمر تقصيـر وعندي خبر ماراح ياطير حـوران=ماعاد يرجع لو نسـوق الدنانيـر لكن نظمنـا المثايـل علـى شـان=ناخذ ونعطي مع وجيهـن مسافيـر الاوله بانت واللـي مطلبـن ثـان=الاسم كامـل ياصبـي المخاسيـر برسالةٍ تقطـع صحـاري وديـان=عبر الاثير وسركـم داخـل البيـر انا على عرفـك شفوقـن ولهـان=خل الرموز المبهمـات المعاسيـر عطني جوابٍ فيه للاسـم عنـوان=اسم الاهل يوم انت في مهدك صغير ونكان مالبا الطلـب ذرب الايمـان=وقفـت مرسالـي وكـل المداويـر وحولتها في مابعد لبـن عطـوان=ريف الضيوف ومن لفوله مساييـر النـا بموقعنـا جماعـه وصدقـان=من بينهـم شفنـا معـزه وتقديـر وسلم رعاك اللي خلق كـل ماكـان=وعس الخواتم لانتهت خاتمة خيـر ناصر خنيفر وهذا ردي يامرحبا من قلب واحساس وألسان=بالشاعر اللي يشبع الذيب والطير عد السحاب اللي كما جبال ورقان= وجبال حايل والرحى وهضبة النير من هاجس ٍ مافارق الذيب سرحان= كنه على جمر الدلال المباهير بوجار نار ٍ من غضاء العرق مليان=سوقه كما ارقاب النياق المعاشير لزرفلت مع عبلة اسناف جمران= في غب ثالث والضماء لاحق البير نفح الهجير وخافقي خضرالاغصان= لاوحف تطير الورق قبل العصافير عفر الروابع في قرا البال قطعان= والبال عثمور القرا والهوا عصير والجو خالي والضمايرمسيان= اهداب دوحاً بالليال المعاسير والصاحب الغالي على الذيب شفقان= والذيب مابيديه غير المعاذير ماهو جفا عن قرب الاصحاب لكان = خوف الرياح اتصير شعف ومعاصير أما طلبك ؟اسمح لنا ياكحيلان= البر يغري والروابع مغاتير والذيب لوشافوه الاعراب جيعان= تلاوحوا جنبه بعوج البواكير ماله بدار البدو مسكن وعنوان= والحر يفهم وش تريد الصقاقير ياصاحبي ناصر حشى مانت غلطان= هذا صحيح وتعرفه حرب ومطير فرقا الحبايب هو كدر صفو الاذهان= مانت الوحيد بحب بيض الغنادير انشد وتلقى اصناف واشكال وألوان= ويهون ما صابك مع امصيبة الغير وأنا مالومك في هوا دعج الأعيان= شراد ريم.. وطلق الاريا مداوير قد مرني ما مرك بماض الازمان= اصغير سن وضرته عشرة اصغير تصور الفرقا جرت عقب مقطان= الله يلوم ابروق مزن ٍ مزابير والخاتمه ياصاحب الذيب سرحان =تمسي على خيره وتصبح على خير السبع الضاري |
صح لسان العمده وصح لسانك يالسبع
صوت وصدى بيض الله وجيهكم احترامي وتقديري |
إقتباس:
برق الوسم مرورك شرف وجودك معزة يابارق الوسم ياجني...وش جابلك صورة افلامي هههههههههه تحياتي |
إقتباس:
ملاحظه////// وقفت الشطر الاخير من كل القصيده مختفي عندي مالسبب رجو صياغة القصيده مره اخرى وتاكدمن وجود المواقف كامله وشكرا |
إقتباس:
نعيد التنسيق وهذا ردي يامرحبا مـن قلـب واحسـاس وألسـان=بالشاعر اللـي يشبـع الذيـب والطيـر عد السحاب اللـي كمـا جبـال ورقـان=وجبال حايل والرحى وهضبـة النيـر من هاجـس ٍ مافـارق الذيـب سرحـان=كنـه عـلـى جـمـر الــدلال المباهـيـر بوجار نار ٍ من غضاء العـرق مليـان=سوقـه كمـا ارقـاب النيـاق المعاشيـر لزرفلـت مـع عبلـة اسنـاف جـمـران=في غب ثالث والضمـاء لاحـق البيـر نفح الهجير وخافقـي خضرالاغصـان=لاوحف تطير الورق قبـل العصافيـر عفر الروابـع فـي قـرا البـال قطعـان=والبال عثمـور القـرا والهـوا عصيـر والـجــو خــالــي والضمايـرمـسـيـان=اهــداب دوحــاً بالـلـيـال المعـاسـيـر والصاحب الغالي على الذيب شفقـان=والـذيـب مابيـديـه غـيــر المـعـاذيـر ماهو جفا عن قـرب الاصحـاب لكـان=خوف الرياح اتصير شعف ومعاصير أمـا طلـبـك ؟اسـمـح لـنـا ياكحـيـلان=الـبــر يـغــري والـروابــع مغـاتـيـر والذيـب لوشافـوه الاعــراب جيـعـان=تـلاوحـوا جـنـبـه بـعــوج البـواكـيـر مالـه بــدار الـبـدو مسـكـن وعـنـوان=والحـر يفـهـم وش تـريـد الصقاقـيـر ياصاحبي ناصر حشى مانت غلطـان=هـذا صحيـح وتعرفـه حـرب ومطيـر فرقا الحبايب هو كدر صفـو الاذهـان=مانـت الوحيـد بحـب بيـض الغناديـر انشد وتلقى اصناف واشكـال وألـوان=ويهون ما صابك مـع امصيبـة الغيـر وأنا مالومك فـي هـوا دعـج الأعيـان=شـراد ريـم.. وطلـق الاريـا مـداويـر قـد مرنـي مـا مـرك بمـاض الازمـان=اصغير سن وضرتـه عشـرة اصغيـر تصـور الفرقـا جـرت عقـب مقـطـان=الله يـلـوم ابــروق مــزن ٍ مـزابـيـر والخاتمـه ياصاحـب الذيـب سـرحـان=تمسي على خيره وتصبح علـى خيـر السبع الضاري |
اشكرك يا عمدة على الكلام الطيب والمرور المشرف
لكن مارديت على الرسالة الخاصة |
تصور الفرقا جرت عقب مقطان========الله يلوم بروق مزنٍ مزابير
الله اكبر اشهدنك مانت صغير سن هههههههههههه |
إقتباس:
والله هالبيت انه غلطتي ههههههههه |
الساعة الآن +4: 03:23 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.