عسـاه بالجنـه فـ(بيـت وحديقـة)=وعسا النهر يمشي تحت مشط رجلية
ومن النعيـم يصيـر عنـدة عشيقـة=ومافيـة (حوريّـه) تمـرّة ماتغريـة
عسى حجاجة من رضـى الله طليقـة=في كل فرض ادعي لـه الله وارجيـة
لو اطلب الله (بـس) اشوفـه دقيقـة=ولاّ.. أتوعّى بليلـة القـدر وادعيـة
واجهم واجي قبرة ..على فـك ريقـة=واجيه متبوسم وابسكت واراعية
وآ كـل معـه (لقمـة هنيـة) عتيقـة=واصب له فنجـال واشـرب تواليـة
واخـذ معي(دحمي)..و..(خالـد) شقيقـة=واربـط لسانـي واتقطـع ما أحاكية
وبعدين اشب ( بعشب) وجهي حريقه=واقول : قبل اروح وامشـي واخليـه
ولـدك ؟؟ صلفـات القـدر ماتعيقـه=ولدك؟حتي(وانـت مـيّـت) تربـيـه
وقبل ادفنه ويصير عمري دقيقة=با قبّل يدينه .. وادنّق لـــ رجلية
وينقع سراب الحرف والقـى بريقـة=والصدق ينبت فوق وجهـي مواريـه
ماكل من حاول ..لقى لـه طريقـه..=ولا كـل حـزنٍ لاتضايقـت ...أغنيـة
في شبر.. من صدقي حروفي غريقـه=غظ النظر عن قصـدي اللي(مخبيـة)
خضيت غصني لين حثـرب وريقـه=وحقنت زيت احساسي .. بعين راجية
ومن خان نفسة كيف؟؟ يامن صديقـة=ومن يستمـر بصحبتـه قـل واليـه
هذا انسان ..النـاس عيـت تطيقـة=وانسان يبغى الناس بالغصـب تغليـة
وهذا يبـي.. هـذا يدلـه ..طريقـة=وهذا مايـدري ويـن ربـي موديـة
وانسـان مخلـوقٍ يحسـد الخليقـه=ودك قبـل ماتسمـي انـك تهبـيـة
وهذا يجيك مـن النسـول العريقـة=ومن طيبته لـو ماتعرفه....تصافيـه
وفيـة الـذي ودك..تصيـر بفريقـه=واسمع ياناصر...وانت مثلك ماوصيه
احسب حساب اهل القلـوب الرقيقـه=واللي تشك انه ردي وش تبي فيـه؟؟
اكتب على نفسـك.. لنفسـك وثيقـه=ومايفوتك من الفـرض لازم تصليـة
وايق على درب الزمان ..الـف ويقـة=لكن لاتامن طيحتك (وانت تمشيـة)؟؟
وياملهّي بن رشيد .. تبغى الحقيقة=الموت اخذك ...ومات وجهه على إيدية
والشاعر اللي فية ضحكة وضيقة =يقدر يسوي شي محد ن يسوّيه