كل ما رحت بر وجو موجود ناصر=يمشي الأرض رجلي والسماء بطائرة
ما قدرت اتمشى في بلادي واسافر=اكثر الناس مثلي في البلد حائرة
ضيق البر والبحر وسمانا محاصر=سلطة(ن) جائرة وعقولها جائرة
بعض الأسماء تسبب للأوادم تناحر=كل من شافها قال إنها عائرة
ما نهاجر معك كانك يا ناصر مهاجر=هجرة قبل هجرة سيدي بائرة
اسود الليل لو قالوا ترى ماهو ساتر=منه نور الكواكب قاصره غائره
دام عندك قمر ونجوم وين انت طامر=عالج المشكلة واعملها دائرة
كان تبغى العرب تنعم بحسن المناظر=ارسم الشجرة الخضراء وهي فائرة
ما نبى الرسمه اللي كن فيها عنابر=خلها لأهلها وألوانها الثائرة

يامعيوف انت تاطى فـي قدمـك المخاطـر=تجهد النفـس وعيونـك عـلـي طـائـره
كـان ماتقدرتسافرمـن الـقـل حـاضـر=ابشـر انـي بخير ومـثـلـك اخـائــره
باليديـن السيـوف وبالجنـوب الخناجـر=سلطة(ن)غـايـره مــن فعلنا غـائـره
بعض الاسمـاء بهـا كـل الاوادم تفاخـر=لانصيتـه بحاجـه صـايـره صـائـره
مانهاجرنـهـجـركـل ملـحـد وكـافـر=يامعيـوف امــة محمد مـعـه سـائـره
الله الـسـاتـر الستار والعـبـد قـاصـر=والكواكـب علـى نـور القمـر نـائـره
مـن رجال(ن)تحـب المرجلـه والمغامـر=لـكـن المشكـلـه داخل قـطـر صـائـره
الهـدف لارميـتـه لازم انــك تعـايـر=فيـه ناس(ن)علـى الله وناس(ن)معائـره
وانت عندك خبـر لكـن مثابـر وصابـر=لكن افهم وانا افهمها وهي طائره