قبيلة بني رشيد - تقولي حاول بمسك الهوى والهبوب

وشلون أصدق مواعيد الزمان الكذوب
وأناأدري أن الليالي لوتواعد كذوبه
الصدق ماهوعلى لسان الزمان محسوب
والواقفه الطيبه ماهى عليه محسوبه
والشاعر اللى خذا من كل الالوان ثوب
غدرالزمن فصل لجامه من أطراف ثوبه
والصاحب اللي هقيته مايعرف العيوب
دارت دوايرزمانه لين بانت عيوبه
من أول أضحك وأقول النفس نفس طروبه
أثر الليالي تحزن كل نفس طروبه
لي صاحب عن جميع الناس عندي ينوب
ليته يحصلي اشوفه بالعمر بس نوبه
يركض بي القلب لعيونه راضي ومغصوب
وياكم عذرعلى غير تصحيح مغصوبه
يسقيني الجرح بيديه وعيت أتوب
أشرب من أيديه شرب اللهيم ماقلت توبه
لابلني طيفه الدافي وعطره أذوب
والله كم هو جميل أني أحبه وأذو به
فنان نهاب بقلوب الخلايق لعوب
يشدني لريم بريضان المفالي لعوبه
أن راح يم الجنوب الكون كله جنوب
وأن راح يم الشمال الكون ينسي جنوبه
يعطيني الذنب وضحك له وأحب الذنوب
ولولاه ماشال قلبي من عظايم ذنوبه
تقولي حاول بمسك الهوي والهبوب
وأعرف تري مسكي أصعب من هواه وهبوبه
هذا قلبي خذاء منه صاحبي نصف كوب
وشلون أجل لومداه وكمل القلب كوبه

هذه قصيده لها عصر قديم وهي قصيده فريد من نوعها لانها كل اخر بيت منها نفس اخر البيت التالي وهكذا أرجو ان تنال أعجابكم