عبدالباري× الكابتن
 

عبدالبارري

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالكبتـن الطيـار لاتهبـط هـبـوط بــلا مـطـار=تـرا المـدرج مـزدحـم والـلـي تـوقـع مقلـعـه
لكن دامـك بالسمـاء فأنتـه بسـوق الاختيـار=لاتصير بعيونك زوايا الأرض خمسه بأربعه[/POEM]

الكابتن

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حسب الظروف الطايره يمكن ننزلها ظطرار=قال المثل والوقت لاعيا يطيـع انتـه طعـه
ابشرك بالارض والا بالسما ء وقتـي نهـار=اشوف واحسب حسابي صح واطرح واجمعه[/POEM]

عبدالباري

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أثرك امهايف للغلـط ومولّـم ٍ للأعتـذار=أمثال :(لا منه عصاك السوق ماتجلب بعه)
اجل وش اللي جابك الليله على خط القطار=والناس لاجل العيد مرسوم الجمارك تقطعه[/POEM]
الكابتن

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لاتأمن ظروف الزمن وتعيش واحلامك كبار=من يأمن ظروف الليالي عض بالناب اصبعه
حقق نظر عينك وتلقاني مع اصحاب الوقار=مدري غلط في كلمته والا بحروف المطبعه[/POEM]

عبدالباري

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا احسبنك نجم ساطع من مدار أليا مـدار=وأثريك بلحود القبـور وتحسبنـك بالسعـه
ماشفتك الليله وأنا ارصد كل الأجواء بالادار=أو انت رأس ٍ مايصادم والسبب فيه اصلعه[/POEM]

الكابتن


[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]منتوج فكرك يقنعك والعلم لا طال المسـار=احدٍ يبا يمشي ثقه واحدٍ يبا يصـف ربعـه
هلحين شفني يوم اسوق الخلفه ومعها حوار=يشوف ديس امه واحده ماهو قادر يرضعـه[/POEM]
عبدالباري


[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مايقدمون القوم منهم غير الأفضل والخيـار=أما قليل المعرفه كـل ٍ يبـا يقـول: أقلعـه
شفتك على جاموس راكب وأنت عينك للحمار=العلم اظنك تعرفه والصـوت اظنـك تسمعـه[/POEM]
الكابتن

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ان كان قلبك محترق لانك من الناس الصغـار=اجلس مع اصحاب الصدور اللي مجالسهم سعه
ياليت بعض الناس عن بعض السواليف استخار=طبعي ليا شفت الردي تحدر بعلمـه مـا تبعـه[/POEM]

عبدالباري

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياصاحبي ذكر الحيا والخيريـن امـع الديـار=اتبينـه بيـض الليالـي والشواهـد ترفـعـه
لأن الجمل مايشوف من خلقه سوا عرف الفقار=أما الجمال ايشوف عـوج ارقابهـا ماتشنعـه[/POEM]

الكابتن

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ان كنت صادق سجل اسمك صح ويطير الغبار=لاتصير من ناسٍ تسولف من وراء سود اقنعه
نصيحتي لا تنزل بمنزل ماهو منـزل حـرار=ليا عطاك الله مكـانٍ زيـن منزلـك ارفعـه[/POEM]


عبدالباري

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا ماجيت اقول أنا اللي من يمين ومن يسار=بالملعبه كل الكلام المستحيل أبـا اصنعـه؟
هذا كلامك كل مـا شبولـك الشعـار نـار=لكان جر اسديـر ليـن اتوصلـه للمجمعـه[/POEM]

الكابتن


[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماهي على كيفك لو الهقوات في صدرك شرار=الليل هذا غيـر ماهـو ايامـك المتواضعـه
هدا الكلام اللـي تقولـه يعتبـر رد اعتبـار=اركب حصان العز لاتهابه وجـود مصرعـه[/POEM]

عبدالباري

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ألا على كيفي ليا درت الفلك فيك استدار=والحمل تبغى توصله في درهمه ومرابعه
حنا نعرف انك تبا تذهب ربوعك ياعرار=أما بطيارتك وألا ظهـر دنـاً مسرعـه[/POEM]


الكابتن

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله لا يبلاني مثل بلواك علم الاختصار=الله لا يبلاني وسولفها بنقص وقرقعـه
تحلم وحلمك مايفسر واخر علومك دمار=والله لتبطي في مراتعها الهقاوي مرتعه[/POEM]


عبدالباري

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماضيعك ياسحر جالوت المسمى ألا القمـار=الضرس ابو عرقين بالمقلاع اتله واقلعـه
السجن للمفلس نقول اريح له امن الانتحار=وش كلف المسكين في حمل الديون الموجعه[/POEM]

الكابتن

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انته تحسب ان العوافي دايمه وضعك قـرار=تبغا وتبغا حيلة المحشـور لا قـل اسنعـه
مسيلمه كذاب لو يرفـع شعـار الانتصـار=ولا خسر التاجر بسوق البورصه غير طمعه[/POEM]

صح الله السنتهم محاوره جزله وفيها من المعاني

أشكرك سعد على التنسيق

الاخ سعد لك مني جزيل الشكر والتقدير على الاهتمام

هدا ليس غريب منك لنك رجل تعطي الرجال حقوقها ومبداك طيب وسليم

شكرا على التنسيق

محاوره جزله صحت السنتكم