قبيلة بني رشيد - رسالة جوال ..من عادل الذيابي الى علي خليف الذيابي.

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

رسالة جوال ..من عادل الذيابي الى علي خليف الذيابي.

السلام عليكم .. وكل عام وانتم بخير..

هناك الكثيرون ممن يستحقون المدح ..

وهناك فرق بين المدح والتملق .. وهذا الاخير هو الدارج في اسواقنا ومرغوب لدى البائع والزبون ؟.

اما انا هنا ليس لي علاقه بهذا ولا ذاك

فقط .. هي رساله تقدير .. من قلب صادق..!

الى علي خليف خلف الرشيدي..

مع رسالة اعتذار مرفقه من السيد الشعر.. لعجزه عن التعبير لوصف مالايمكن وصفه..

ياهاتفي قم سطّر القاف تسطير= رتب حروف الفكر واحفظ كلامه
ارسل سلامي في "رساله" و "تقرير"= وبشّر؟ عسى التقرير تم استلامه!
ياصل(علي) راع الدلال المباهير= عال المقام اللي يسد بمقامه
لك يـا (علي ) مني تحيه وتقدير = ولك هامةٍ تعلى على كل هامه
يابو سعيد الله يمسيك بالخير= جعلك سعيد وكل يوم بسلامه
ياراعي الفزعه طويل الاشابير = بالطيب لك بيت الكرم والكرامه
عند اللوازم ماتحسب المخاسير= شرواك باللازم سريعٍ ولامه
ووقت المواقف ماتعرف المعاذير= تحرم على وجهٍ نصالك الملامه
غيرك وقف..! بس انت ! في وقفتك غير!!= وقفتك طيب..! وطيب غيرك رخامه..!!
كنك معزب .. والمراجل مسايير = والطيب لك مكفول تحت الاقامه
اشهد شهادة حق ماهي بتزوير = انك شداد العز.. ذروة سنامه
لانك ولد من يعتزي للمظاهير = زيزوووم يكرب للمراجل حزامه
يشعم وجاره للوجيه المسافير= ذاك الكريم الله يرحم عظامه
سليل مجد مطوعين المعاسير= اللي لهم تاج الشرف ..والشهامه
يفدامك من ربعي كبير المصارير= اللي يدوور بالصراير زعامه
مافيه خير.. ولاورى ساقته خير= عندي حضوره صار مثل انعدامه
والا انت قدرك فوق روؤس المشاهير= والحر يكفخ .. والنعامه ..نعامه
اقولها واهل المراجل مخابير= واسعى لكسب المحترم واحترامه
وافخر بمدحي للرجال المناعير= ولزومهم .. واجب .. عليّ التزامه
وسلمت ووفود التحايا طوابير = وفد"ن" رفيع ووفد عالي مقامه
يوم انها طالت علي المشاوير= والشعر برمج هاتفي مع نظامه
سطرت شعري في رساله وتقرير= تقـدير!! للي يستحق احترامه

عادل الذيابي

صح لسانك وتقبل مرور ولك مني اجمل تحية

شاعرنا الكبير عادل الذيابي

قصيده جميله بكل المقاييس

لافضَ فوك يابو علي

وصح لسانك واعتلا شانك

واسمح لي بالعوده للقراءة مرة أخرى

لكي أروى ذاقتي الشعرية مجدداً

لاهنت

بيض الله وجهك اخوي عادل الذيابي
وصح لسانك والقصيده مثبته نفسها
وانت شاعر امعروف
والمدح يستاهله راعيه
ولاخلا ولاعدم

اقولهـا واهــل المـراجـل مخابـيـر=واسعـى لكسـب المحتـرم واحتـرامـه
وافخـر بمدحـي للـرجـال المناعـيـر=ولزومهـم .. واجـب .. علـيّ التزامـه

صح لسااااااانك قصيده راائعه من شاعر جميل

اعجبني الشطر الثاني للبيت الإول من تلك البيتين

صح لسانك
قصيده رائعه

الشعر يبغى دهنة السير ويسير .... يحتاج له شاعر ينظم كلامه
يبغى الهجوس الي يرفرف كما الطير .... الي يحقق في مطيره مرامه

نعم .. وعادل الذيابي احد طيور الشعر الحرار اللذين يطلعون ويحلقون ويصيدون .

عادل .. ايها الشاعر العادل .. قصدت فعدلت فأعجبت .

لله درك .. ويستاهل .. علي خليف الرشيدي هذه القصيده .

تقبل تحياتي واعجابي .

بما إن المعرف لعادل الذيابي...فلا تعليق...

هذا الشاعر من الشعراء الذين أقراء قصائدهم بمجرد أن أرى أسمائهم...

تحية عظيمة للمادح والممدوح...