قبيلة بني رشيد - سلام ياصقر بني عبس

قبيلة بني رشيد (http://ban3abs.com/aa/index.php)

- قصائد في قبيلة بني رشيد (http://ban3abs.com/aa/forumdisplay.php?f=48)

- - سلام ياصقر بني عبس (http://ban3abs.com/aa/showthread.php?t=43470)

سلام ياصقر بني عبس

من دار اخو نوره ليا دارالابطال
دار الصباح اهل الوجيه الفضيله

سلام ياربعي جزيلين الافعال
بني رشيد اهل المهار الاصيله

وقفاتنا يشهد لها جيل وجيال
وقفة رشيدي لرشيدي جزيله

عدونا يرجف ليا شاف الازوال
واللي نوينا مهتنا في مقيله

كاس المنايا نشربه شرب فنجال
اليا نخنا لافحات الجديله

حنا هل الفزعات في يوم الاهوال
حنا الرعد لارج وسط المخيله

اليا غضبنا صار بالارض زلزال
وراسن يعاند من متونه نشيله

قومن لنا بطيب مجلس ومدخال
ننزل منازيل الرجال الاصيله

ترشحو من ربعنا وقفة ارجال
والفوز من حق الرشيدي ينيله

وكل القبايل نعم وافين الاخصال
عيبن علينا ذمهم والهزيله

هذا ويسامع بدا ليلنا اوطال
بعد الاذن منكم ثواني قليله

سلام ياصقر بني عبس الاشبال
اللي مواقيفه تنجي دخيله

لو مالت اجبال السروات ما مال
مبارك اللي بشدايد نجيله

المجد صفقله وله فيه منزال
ابو معاذ افعاله اكبر دليله

انا اشهدنه عز في كل الاحوال
عز البلاد اوعز كلالقبيله

والله يلو ماتحدني عنه الاشغال
لصل الحفل وحب خشم الدويله

لنه ليا منه صفق جال في جال
عبس الشهيره تزبن اللي مثيله

وناسند وابصم وحبر القلم سال
انه رقا بالمجد راس الطويله

وياللي موصل لاهل الطيب مرسال
معك الامانه والامانه ثقيله

حب الخشم عني ولطيب رجال
ونت الزميل ونائب عن زميله

صح اللسانك وتعلا شانك ياسند
وبيض الله وجهك
قصيده جزله ومن شاعر جزل
والشيخ / مبارك الدويله
يستاهل
هذا الرجل له مواقف مستمره دائما" لآجل هذه القبيله
الله يعطيه العافيه ويمد في عمره... ان شاءالله
وتحيآآآآآآآآآآآآتي لك

صح السانك وعلاء شانك
حياك شاعر مبدع

إقتباس:

اقتباس من مشاركة سند الرشيدي (المشاركة 741518)

من دار اخو نوره ليا دارالابطال

دار الصباح اهل الوجيه الفضيله