|
ناقتي يا ناقتي!!.. نور ولميس !!
السلام عليكم ورحمة الله وبركاته
اهدي لكم هذه القصيدة واللتي طلبها مبدعنا .. كهل الصباء :) : :
ناقتي يا ناقتي ... لا رباع ولا سديس = طلقتين ٍ .. في قفى الذيب .. يتلاها ادخنه! هم قلبه .. وين يلقى .. مثل نور ولميس = وهمي قلبي .. عارف ٍ وين موقع مسكنه هم قلبه .. عاطفيا ً .. مع الفيلم الخسيس = وهم قلبي .. دونه الرجل .. عمره يرهنه لا حضرني .. قلت : اعوذ بك يالله .. من بليس = ولا انتشلني .. عذت بالله .. من ابليس ومنه من حبيب ٍ .. غاب عني .. ( 300 ثلاث امية ) خميس = تحتسب بالنبض .. حتى بسكور الازمنه غاب عني .. يوم جاء له .. مع الغفله عريس = واخطفه واقفى .. وانا مغترب عن موطنه من شموخي .. جيت في مخلب الصدمه .. فريس = للضياع اللي .. رحل بي .. سنه تقفى سنه يغلب الغدر البشر .. لا بدى العاقل يقيس = والعذر : طبع الوفاء .. في زمن غير ازمنه!! لا حياة ٍ .. في بلاد ٍ .. خُلع منها الرئيس = لا نجاة ٍ .. في بلاد ٍ .. ظلال وسلطنه! استخرت .. ارحل مع الحزن .. والحظ التعيس = والعزاء : عند البلاء .. كل رجل ومعدنه صورته .. من وين ما رحت .. كالدر النفيس = بالوجيه .. وبالنجوم .. وجميع الامكنه ما رضيت بغربتي .. لأعمق اجروحي جليس = غير صبرٍ .. بكنفه .. يبسط الجرح اكفنه! لا عضيد الا قصيد ٍ .. من اعماقي .. غريس = يكرمه فكري .. و ثمره .. حديث الالسنه انثر الماضي ذهب .. واحدب الاضلاع .. كيس = واجمع الحاضر .. ولا ابخس شتاته واثمنه اشعل احلامي رثاء .. لا صديق ولا ونيس = جمرة العود .. الاحبه ... وقلبي مدخنه! ما انتظر في معزلي .. لا نديب ولا عسيس = معتكف .. مع ذكرياته .. وحزني ولحنه اشهد اني لو فقدته .. 300 خميس = ما نسيته .. لو دخلت .. بكفن قبره .. عنه زاير الذكرى .. فخر عنتر .. ان حمي الوطيس = وطعنة الشامخ .. فخر ذكريات .. اقسى سنه! : : وسلامتكم جميعا تقديري .. اخوكم ابو نايف |
أخي شامخ الشامخ
بدون أي زعل! أنه ليس تحقير مني ولا هضمٍ لحقك كشاعر ولكن تقبل وجهت نضري بهذه القصيدة... أرى أنها قصيدة أقل من عادية وأنك لم تتمكن من تقليد قصيدة الفراعنة. فأنت لم تضع القصيدة هنا الا لتقبل النقد البناء. ولك جل تقديري وأحترامي. محبك الخطاف... |
صح السانك شاعر مبدع
وتقبل مروري |
شاعر لكن مو بهالقصيد
تبدا بداياتك الله يوفقك |
إقتباس:
صحيح ان القصيدة جميلة وشعرية واضحة لكن احرقها التقليد فــ على قول المثل (اللي ماهو لك من قديم ،مايملالك يديم) تقبل رد اخوك بصدر رحب |
رااااائع اخووووووووي الشاااامخ وابصم لك على العشرررررررررررررره
|
ولد حايل ..تبصم علي العشره علشان المصدر واحد وبعدين تراك مشرف في منتدا الرياضي وش عرفك بشعر مع حترامي وتقديري..ا لشاعر شامخ الشامخ مايحتاج شهاده منك شاعر أكثر من رايع
|
صح لسانك اخوي
ابيات ذات جماليه منسوخه لو انها اتت قبل قصيدتين الفراعنه لكانت شامخه ايها الشامخ ولكنها للأسف اتت بعدهم تقبل مروري المتواضع وتحيتي لك على معظم الأبيات |
| الساعة الآن +4: 03:45 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
