على بحر الخليج الله يجيب البرق والرعـاد=على شان المطوش يكسب المرجان والدانـه
سلام الله سلامن من هجوس الشاعر المقدااد=على اهل المنتدى اللي يعتبرهم حسبة اخوانه

على بحر الخليج الخير يذكر من ثمود وعـاد=ولكن ماحد(ن)يامن مـن امواجـه وحيتانـه
هلا يامرحبـا ترحيبتـن مايعيبهـا النقـاد=نيابه عن هل المعروف واصل الطيب عنوانه

ترا كل المراكب صمموا فيها جهاز ارصـاد=معاد البحر يغـرق مركبـن فهمـان ربانـه
عسى الله يرحم اللي في ضفافه جاهدوه اجهاد=يومن النوخذه بيـن الحبـال وبيـن عمدانـه

نصيحة بالبحر ياصاحبي لاتوهـق الاجـواد=ياكم ناسن تحت قاع البحر جوعـا وضميانـه
عليهم رحمـة الله جاهـدوه يـدورون الـزاد=بعد فضل الله اعطى النوخذه مصروف ورعانه

عسى ربي يجيرك يابحر من نظرة الحساد=بحر فعلا بحر والمكتشـف دوج بقيعانـه
اناعندي خبر بك من شجاعة ولد ابن شداد=لكان الوقت مغلـق ياولـد شـداد بيبانـه

عسى الله مايهينك ياعريب الخال والاجداد=تقول الحق ماجاملت عدوانـك وعدوانـه
ياكثر اللي تحلوا بالشجاعه والسيوف احداد=ولكن مشكلـة دنيـاك يالمقـداد خوانـه

مدام انك كذا هو ليه ماسافرت يم ازيـاد=وتركت ابو ثنايا بالشعيب يحـوش ثنيانـه
يا صاحبنا تساوى عندنا الصادر مع الوراد=صور عبر الاثير ودندنت يـادان يادانـه

انا رجال ماخلي بلادي وانتحي لبـلاد=لو ان ابو ثنايا فيه بعض الناس طربانه
بلشنا في سوالف مجتمع حامد ولد حماد=نوريه الحمامه بالسماء ويقول شيهانـه

مدام ان السفر من شان عبس ايكون وضعك عاد=تمثـل لابتـن مـن رفعـة الخفـاق زعلانـه
لاواشيب قلبي كيف اشيـل المـاي فـي بـراد=وانا عندي عدودن فـي غزيـر الجـم مليانـه

عسى الله يرزق الارض بصدوق الوسم يالنشاد=علشان البدو تنـزل علـى عشبـه وغدرانـه
وانا قصاد وانت ايضا وغيري كم رحل قصاد=وكلن يترك الدنيا ولايبقـى سـوى احسانـه