|
ستّل جناحه ثم حام
http://farm2.static.flickr.com/1245/...7eb215.jpg?v=0
ستّل جناحه ثم حام يرقى على متن الهوى يزفّه بعيـــد وانا محدود في حد النظر… له بـالهوا شف ومرام يلعب مع الغيمة سوا ولا جناح لي وطيــر والأرض صارت لي مقر طيري ، ضرب جو الهيام ولو دعيـته ما التوى عزي لمن طيـره غدا ولا له من امره مفر… فكري تغشاه العسـام أمسيت وفكري ما ضوى الأرض قفر من الونس والليل من فرحي قفر… شبّـيت ضوي بالظلام في صحصحٍ ذيـبه عوى ما لي أنيس إلا النجوم أو نور وضاح القـمر… خالي وكني في زحـام قلبي تلهب وانشـوى ما عاد أميز بالحشـا وإلا على الضـو الجمر… وين انت يا داعي سلام وين انت يا بايع دوا ردوا لي النومـه ترى بالعين جلاد السـهر… دورت بالشدة حزام ولا لقيت اللي قوى يا لله دخـيلك ما لقيت اللي ينشد به الظهر… الأمير / خالد الفيصل http://farm2.static.flickr.com/1192/...3d07bf71_m.jpg |
والله ونعم بالامير خالد شاعر مافيه كلام
وبيض الله وجهك ابو سعود على نقل هذه القصيده الرائعه تقبل مني خالص الود والتقدير |
تسلم اخي خاتم
على المرور والتواجدالرائع |
صح اللسان الشاعر الامير خالد الفيصل
وبيض الله وجهك يا الاجهر على هذا النقل |
| الساعة الآن +4: 03:11 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
