تنثر شتاتي بروس الرمش وآلالمه..
على مطاف العيون أحرمت بإحرامي..
صار الغلا وجهتي..وأشواقي اليمه..
ما أصدق أني أشوفك وأنت قدامي..
يا آدمي كل ما فيني نشف دمه..
أركد على ظبية الأشواق يا رامي..
القلب بالهون يا عين الغلا ضمه..
ريح خفوقي وطمن رجفة عظامي..
لا تسأل أن شفت حالي منك منسمه..

معقول ما تدري أنك مصدر ألآمي..
شفني وصلت بقصيدي لأجلك القمه..
مع كل هذا..أبرفع بيض الأعلامي..
عطر المحبين من مبطي وأنا أشمه..
ما كنت قبلك أحس بعطر الأيامي..
قل لي عن اللي تحسه صوبي بذمه..
مليت يا أبن الحلال أعيش بأوهامي..
عشاقي كثار لكن فيك مهتمه..
يا آخر دروب الغرام وأول هيامي..
أتعس من الطفل لامن فقد أمه..
هذا أنا طفلتك يا فارس أحلامي..