قصيدة الملك فهد بن عبدالعزيز رحمه الله
 

انها قصيدة كتبها خادم الحرمين الشريفين فهد بن عبدالعزيز ال سعود المغفور له بإذن لله

خادم الحرمين الشريفين الملك\فهد بن عبدالعزيز المغفور له بإذن لله
عندما كان مريضاا في لندن في شهر شوال من عام 1385هجري
حيث بعثها الى المرحوم الامير فهد بن سعد يشكو فيها
قساوة المرض حيث قال :


http://www.asmilies.com/smiliespic/FAWASEL/026.gif


يا بو سعد صارت على أخوك غارات

شهرين اقاسي من شديدالغرابيل

سوالمرض يحمل على اخوك حملات

مافي يدي حيله ولا في يدي حيل

والله فزع من فوق سبع السماوات

وأنا أحمد الله يوم صارت تساهيل

ماينفع الخايف والايام عجلات

الخوف ماينفع ولا القول والقيل

حنا هل العوجا ولابه مراوات

شرب المصايب مثل شرب الفناجيل

لاشك أنا مشغول في كل الاوقات

على الذي حنـــــــــا بظله رجاجيل

ماني على نفسي كثيرالحسافات

لا سلم راسه روسنا رفاع با لحيل

حامي حمانا بالليالي المخيفات

لو صار بالــــــعالم كثير الزلايل

فخر العروبه بالعدل والمساواه

هذاك هو فيصل ولا فيه تشكيل

يشهد له اللي شاهدوا منه ليات

ويشهد له التاريخ جيل بعد جيل


http://www.asmilies.com/smiliespic/FAWASEL/026.gif



وهذا رد على قصيدة الملك فهد بن عبدالعزيز رحمه الله
وأجابه الامير \ فهد بن سعد رحمه الله بهذه القصيده :


http://www.asmilies.com/smiliespic/FAWASEL/026.gif



يامرحبـا بكتـاب زبـن المـخـلات
اهـلا هلابـه عـد وبـل الهماليـل
حمـدت مـن زال الكـدر بالمسـرات
فكاك مـن صكـت عليـه المحابيـل
فـزع لـك اللـي عالـم بالخفـيـات
مبري جروح ايوب غيـث المراميـل
لعل مايزعج علـى فقـدك اصـوات
ولعلهـا لـك يابـو فيصـل تماهيـل
الله يجيرك مـن صواديـف الافـات
عسـاك تسلـم ياعشيـر المشاكـيـل
ماانت برخيـص ياربيـع القرابـات
لو هي بالايدي كان دونـك حلاحيـل
ترا لنا بـك يافتـى الجـود هقـوات
في وقتنا الحاضـر وباللـي مقابيـل
يفـداك ربـع قصـروا بالمهـمـات
اللي علـى القـالات ماتنطـح الشيـل
بعض العرب حي ومن عرض الاموات
مايرتجـي نفعـه بحـل المشاكـيـل
وفيصـل ذرانـا بالسنيـن المخيفـات
هو درعنا الضافي الى ضدنـا الميـل
اللـي نقـل عنـا حمـول ثقـيـلات
راس الحصيـل ان كملـن الحصيـل


http://www.asmilies.com/smiliespic/FAWASEL/026.gif


رحمهما الله وأسكنهما فسيح جناته.


مـــــنـــقــــــولـــــــــه

صـــح لساااان شاااعــرها ... وصـــح ذوقـــك ...

اخــي البعيــد الهااادي ..

مـايسعنــي الإ ان اقـــول اجت الاختاااار ..

الف عاااافيـــه ويسـعدك الرحمـــن ...

وتقبـــل مروري ...

اخـــــــــــوك (منصـــور المـــاطر)

رحمهم الله برحمته الواسعه

وبيض الله وجهك اخوي البعيد الهادي

اختيار موفق الله يجزاك خير كنت ابحث
عن قصيدة الملك وجابها الله

تقديري واحترامي لك

منصور الماطر
اشكرك جزيل الشكر على مرورك

اخوي خاتم والله هذي ابرك الساعات
الى وجد ماتبحث عنه في مشاركاتي
وبيض الله وجهك على مرورك
الـــــــــــدائم