علي الهيفي:

سلامي يالجحش وانا ببدا معاك انت النقـاش=ياللي لبست انت البيوت اللـي يزّيـن ثوبهـا
يالشاعر اللي تعرف الطاروق وتدري به بلاش=وش ضيّق اصدور البشر وفلوسهـا بجيوبهـا

الجحش:

يامرحبا بك ياعلي وبدا ومبداك انتعاش=يالشاعرالي ماتضيق الارض فيك دروبها
الضيقه الي مالها داعي مثل ضؤ الفلاش=وان ضاقت صدور البشر مالدّعيني صوبها

علي الهيفي:

ابك البقا يالشاعر اللي مادخل قلبه ارتعاش=شاعر ويبخص بالسلوم الناس شف ماجوبها
بعض البشر لايخدعك قلبه كما سود القماش=والانس والحيوان ويش الفرق لولا اسلوبها

الجحش:

ماقول فيك قصور شاعر لاتنوش ولا تناش=شمسٍ يبين شروقها للناس عقب غروبها
ادري واعرف الطيب الي طاب ولاّ اللاش لاش=واضحك مع العالم وكني ساكنٍ بقلوبها

علي الهيفي:

ادخل على الله لايصيب العظم يالغالي هشاش=يالجحش ماتشرب مع هالناس في مشروبها
طيبك مكفي له بلد لو كان ماعندك معاش=الناس تصرف لك وتعطي الغير شفت اعيوبها

الجحش:

انا ادري ان اسهم لها عايد قوي وأسهم خشاش=مير المضارب كيف يلحق غايته مطلوبها
عزيز نفس وعارفٍ رأس المها مابه عراش=لكنيّ ارمي راسها وألقاء الشحم بجنوبها

علي الهيفي:

يالجحش داري مير عقلك لايجي فيه اختراش=ان جاك مضرابن قوي لاترتبـك فحسوبهـا
الله يجمل موقفي والناس لو تعطي عطـاش=ماتوخذ الطوله غصب بيدينـي يامغصوبهـا

الجحش:

الي يشيل الضلع أجاء وينزّله باقصى العشاش=له جائزه من عمدة الشعـار ماهـي دوبهـا
الله يجمّل من تجمّل وأن عطاء عطـاه كـاش=والله لايحرم هل الماجـوب مـن ماجوبهـا

وسلامتكم