قبيلة بني رشيد - ][][§¤° محاوره بين زوجين ليلة الدخله بالشعر ^°¤§][][

[size="5"]][][§¤° محاوره بين زوجين ليلة الدخله بالشعر ^°¤§][][

محاوره بين زوجين ليلة الدخله بالشعر
محاورة بين شاعر وشاعرة (( ليلة الدخلة ))

زفاف شاعر وشاعرة

شاعر وشاعرة تتم خطبتهما ، فيتفقا على أن يكون الحديث بينهما شعرا
ينظمانه هما ، ولمدة ثلاثة أيام ، اعتبارا من ليلة الدخلة ، وبشرط أن
يكون لليلة الدخلة قافية مستقلة ، ولليوم الأول قافية مستقلة ، والثاني ،
والثالث كذلك . فإلى المرحلة الأولى :

أولا- ليلة الدخلة :

1- العريس يتم ادخاله على زوجته ، بحضور اقارب الطرفين من النساء
والضيفات المهمات ، وعليه - أ) أن يرحب بالحاضرات
العريس:

مرحبا ضيفاتنا فالفـرح نـوّر=ياهلا ويامسهـلا بالحاضراتـي
ارقصن غنن ولا بي منكن اكثر=انقضن سمر الجدايـل مايلاتـي
الفرح بوجودكن يزها ويفخـر=دامـه الله نعمـةٍ يالغاليـاتـي

ب) يتجه العريس ويرحب بزوجته

الفرح فرحين وانتي الفرح الأكبر=ياهلا بك ياعروسـي يـا مناتـي
قبلة الترحيب ، هاتي الخد الايسر=الشنب يخـدش خـدود موّرداتـي
ربي جمّعنا ، وقـول الله أكبـر=شاعرٍمع شاعرة باحلـى غناتـي

ج) العروس ترحب بالعريس:

ياهلا بك واحترم نفسك توّدر=وانثبر ساكت ولا تشوف البناتي
فارغ قلبك مثل ذيـبٍ تحـدّر=يلغف الخرفان في صمت وسكاتي
لا تفكر يعرفن بالشعر الاحمر=ما يبن شعرك ، بناتٍ عاقلاتـي

د) يبدأ الهمس بينهما:
ء1- مشاعر وأحاسيس الفرحة ، بالتبادل

العريس:

من ليلة يالوجه الاقشـر=اعقلي يابنت ، خوف من الشماتي
اضحكي قدامهن لو ضحكٍ اصفر=ولا تفردّنـا تشوفـي الطايلاتـي
وين عقلك بالشعر راح وتنكـر=وين كلمة حب ، وين المفرداتـي

العروس:

تحسبن العرس يالانثى المذكر=مثل شعرك هرج ، صف القافيتي
العرس ، تدخل بعالم مثل تقبر=ما مضى تنساه تحيا كالرفاتـي
المره بالعنـق والاود تكبـر=والعوافي تعقبك في كـل آتـي

2-- تعليقه على مايراه من مناظر

شوفي اللي لابسه فستانٍ اخضـر=كنهـا لولـب برقـص المبدعاتـي
وشوفي امك كنها كيـس مخصّـر=وفرقـي بيـن العجايـز والبناتـي
وشوفي المزيون راع الشعر الاشقر=واهني الرجـل فـي ريـم الفلاتـي

3- غيرتها عليه ، ومخاطبة امها للإسراع بالذهاب به بعيدا

لعنبو اصلك ترى لو مـا تدّبـر=وتستحي يالشين تقعد في ثباتـي
لاصفقك كفين ، اعذر من قد انذر=واتركك وحدك وهج بـلا عباتـي
منت رجّال ولكـن ثـورٍٍ ازعـر=لا حيا لا سمت من كـل الجهاتـي

4- العروس تلح عليه بالذهاب لغرفة النوم ، لتبعده
عن مناظر البنات وهو يبدي عدم رغبته في الذهاب

العروس:

هيّا قم قامت عصبك ولا تأخر=ناويه أعطيك درس في الصفاتي

العريس:

ماني قايم روحي لوحدك ولا اكثر=خايفً منك تجيبـي لـي حماتـي

هـ) اشعار متبادلة بينهما وهما في الطريق إلى غرفة النوم

العروس:

شخّص ببشتك وراسك فوق اكثر=ودنق عيونك ، ومشيك في ثباتي
وامسك بيدي وتبسم ولا تنثّـر=ومن قرب حولك تردد "ياحياتـي

العريس:

من سمع هرجك يقول ولا تحذّر=ضبي شارد ما خذه ضب نباتـي
جعل منتي ذيك أم الشعر الاشقر=لا .. وتتشرط علي وجه الدباتـي

العريس والعريسة في غرفة النوم :

العروس:

شف ترى مابي مشاكل أو كدر=خلنا نمرح قبل وقـت الفواتـي
هدني الارهاق ولا احتاج السهر=والصبح بدري يهجدوني خواتـي

العريس:

مايصير ، اللي تقولي من عذر=ما انـام إلا بحـل الواجباتـي!
وش تقول امي إذا بان الخبر=وش اقول لهم ، تلحفت بعباتي!

العروس:

لا تطوّلهـا وفـكـر بـالامـر=وش دخلهم في زواج الشاعراتـي
وان رفضت ارميك في هذا الممر=واقفل الغرفه وطوّل فـي سباتـي

ويستسلم العريس ، كفا للشر ، فهو يعلم أنها ستكون أم عياله ، وحل الواجبات
سيتم إن عاجلا أو آجلا ، لتنتهي ليلة الدخلة بانتصار الشاعرة ، وفرض ما تريد على
الشاعر

منقول لعيونكم