|
المطيري والرشيدي
السلام عليكم ورحمة الله وبركاته
أخواني أعضاء هذا الصرح الشامخ هذه محاورة من الطراز الثقيل وهي بين الشاعرين .................................. المطيري ...................................... الرشيدي الرشيدي سلام ردية تخص أهل الثـلاث المعــجـزات .... عزوة مطير أهل الفعول من الخليج ليا البـحــر وآثني التسليم لأهل العرف من كـل الجهـات ... روس الرجال اللي على الطالة يجاذبها السطـر المطيري يامرحبا ترحيبة مثـل الجبـال الشامخـات .... بالعزوه اللي صيتها يبقى على مـر الــدهـر انتم سلايل عبس ما جاملك ماش مجامـلات .... ما كنك الا الشمس في كبد السما وقت الظهر الرشيدي تبقون والليلة نبا ناخذ عن الواقع ثبـات .... الليل ياذيبان والمسرى على ضو الـقـمـر وانا ماجاملكم بعد..والباقيات الصالحات.... والحق مايرضي ثنين..أخذ الكلام المعتبر المطيري انشد وانا اعلمك بعلوم قديمه مرمسـات .... ون كان عندك علم علمني وجيبنا الخبـر انا في راسي علم لا يسري وعيا لا يبات .... يوم الجنازه كفنوها ما قبروهـا فالــقبـر الرشيدي بالجاهلية كان فيه مـن القصيـد معلقـات ... لكن أنا بنشدك عنهن هن سبع ..ولا عــشر كان الجنازة من سببها صاب تفكيرك شتات ... وجه لها السؤال لا واجهتها يوم الحشـر المطيري دور عددها يالرشيدي في بطون المكتبـات .... يوم الفضاء ما جاه غير ابو عوينات خـــــضر ترى الليالي يالرشيدي بالعلـوم ملقحـات .... والمحبره يا صاحبي من بطنها جف الحبر الرشيدي المشكلة ياذيب تكمن باختلافات الـروات .... في مكتبتكم كم ورد.. في مكتبتكم كم صــــدر ترجمتهن في تالي أيامك على سبع اللغات .... لكنك أخطيت وتجاهلت النبي سيد البشـر المطيري لو العما بحلق عيونـه فالنجـوم الساريـات .... ما شافها يا كـود ربـي رد لعيونـه نــظــــر الظاهر انك ياطويل العمر ضيعت الصفـات .... ان كان تبغى وصفها روح انشد بناخي خضر وسلامتكم |
ترجمتهن في تالي أيامك على سبع اللغات .... لكنك أخطيت وتجاهلت النبي سيد البشـر
الله لا يهينك يابو ناصر وبيض الله وجهك على نقل هذي المحاوره وصح لسان الشاعرين |
ابو ناصر
الله يوليك العافيه وعساك على القوه وبيض الله وجهك على النقل ولكن ليت انك ضايف اسامي الشعراء عشان تكون موثقه لهم تمنياتي لك بالتوفيق |
صح لسان الشاعرين
ومشكور يابو ناصر |
من الشاعر الرشيدي والشاعر المطيري
نريد اسماهم وهل المحاورة ميدانية ام محاورة منتديات |
إقتباس:
|
يعطيك العافيه على النقل
من الرشيدي ومن المطيري ارجو التوضيح |
ارجو التوضيح ايش الجنازه ههههههههههههههههههه
|
| الساعة الآن +4: 02:23 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
