مواطن في غربة
 

[POEM="font="Simplified Arabic,4,blue,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black""]بسم الله ابدي بيوت الشعر ورفعهـا=اصبها لين تطلـع مثـل الابراجـي
ارسم طريقـة عملهـا ثـم اتابعهـا=من شان مايطلع ابها عيبٍ امفاجـي
اختـار فيهـا وشكلهـا ونوعـهـا=وابروز ابوابها بالمـاس والعاجـي
انا المهندس وانا ريـس مصانعهـا=وانا المراقب على تنفيـذ الانتاجـي
ووكيلها المعتمـد واللـي يوزعهـا=وكفيلها ما تسبـب لحـدٍ احراجـي
وضمان طول الحياه لصدر سامعهـا=عن ضيقة البال والصجه والازعاجي
الله مـن هاجـسٍ نفسـي يلاوعهـا=املاوعة حاجةٍ في نفـس محتاجـي
ايردهـا كـل مايـنـوي يطلعـهـا=يهوم بافصاحها ويعيـد الادراجـي
وبقـة بصـدره لعـل الله يقطعهـا=بين الحنايا لهـا صالـي ووهاجـي
الله على اللي تدور براس شارعهـا=تنهض نحرها بعد دوره ومدراجـي
اسياتهـا تقـل بالؤلـؤ مرصعـهـا=وابوابها والنوافذ هـي والادراجـي
اليا سرت صوتها بسمـوع سامعهـا=وهي بسطح السحاب وتلعج العاجي
موسيقةٍ تطرب الخاطـر مقاطعهـا=ومرافقٍ صوتها تصفيـق مغناجـي
بكفوف بيضٍ وحمرٍ روس اصابعها=لونن طبيعي ماهوتلوين مكياجي
تقبل زعلها وترضى في تدلعها=لشفتها يوم تاقف ثم تنعاجي
وتلعب باليلٍ تمريع مع تمريعها=على نحرها تدرج مثل الامواجي
حوريةٍ دايمٍ ودك تطالعها=سمو نجلا مابين العرش والتاجي
ابي بلادٍ فريده في طبايعها=عاصمة الاسلام ملفا كل حجاجي
دارٍ قوانينها الوالي مشرعها=اللي خلق شمس ضي وبدر وهاجي
احبها حب من بالحب بايعها=في حب من حبها في ضامره لاجي[/POEM]
محمد سلمان الوهيداني

صح اللسانك شاعرنا محمد
قصيده رائعه من شاعر رائع
ومبروووك عليك الشهر

كل الود

مبروك عليك الشهر اخوي الشاعر محمد بن سلمان الوهيداني
وكل عام وانت بخير
صح لسانك والقصيده جزله
واسمحلي بنقلها للمكان المناسب
لاخلا ولاعدم

صح لسانك يابو سلمان وتقبل مروري

صح بدنك لاهنت على المرور والشعور الطيبب

الله يبارك فيك واشكرك على الكلام الطيب لاهنت

صح بدنك لاهنت