اتلا الخبر فبو تركي يوم عصر الخميس=الشايب اللي تولع عقب مالراس شاب
وقدامه الحب وش سوى بليلى وقيس=وبن سبيل وبن لعبون وابو عقاب
واليوم ابو تركي ابحر المحبه يقيس=اثره من الصغر قلبه بالمحبه مصاب
جتني علوم ٍ عنه قالولي انه عريس=اعرس على بنت قوم ٍ ماتعرف النقاب
يقول ابن عادي (العمده تزوج لميس)=يهب يالعمده اللي للخطر مايهاب
ليته تريح وعوذ ياعرب من بليس=ماله ومال انقره ومدربين الكلاب
بكره يبا يروح معهم في حويس ودويس=يرطن مثل رطنهم ويحط للراس كاب
قدام لايروح قلبه يابن عادي فطيس=افزع لنا وانصحه لاتضيع فيه الطباب
تراك مسؤول ومحاسب مادامك جليس=امجالسه ومستشاره يوم حرب الحزاب
خله يعود قبل لايروح عمره تعيس=يرجع على بنت من تثني خلاف الركاب
ربع ٍ بوجه العدا ماغير تضرس ضريس=يومنها بالقناء ومصقلات النصاب
وياعبس ماعاد للعمده كلام وحسيس=الله يرده علينا بعد طول الغياب

اقتباس من مشاركة محمدالذيابي (المشاركة 639307) صح السانك الله حسيبك يالميس حتى العمده ماسلم من شرك تقبل مروري اخوي ناصر

اقتباس من مشاركة ناصر الشويلعي (المشاركة 639340) ويقول الظاهر وهو ماهو متئكد ان الجحش معهم هههههههههههههههه

اقتباس من مشاركة ناصر الشويلعي (المشاركة 639340) يامرحبا يامحمد كل عام وانت بخير على ذمت ابن عادي انه شاف العمده مع لميس ويقول الظاهر وهو ماهو متئكد ان الجحش معهم هههههههههههههههه

بعض السوالف لا جت من شخص يشبه أويس=نصدقه ونتحاشى هرجة الانقلاب
هرجن يخص الشيوخ مقابله (فيس فيس)=قصة عجيبه ولكن ماعليها عتاب
تخص شخصن عزيز مصيفن يم (نيس)=وغير ملفات رحلاته بوقت الغياب
حاله غريبة يحب العود جلسة لميس=ياناصر ابن شويلع لا يروّح ذهاب
العمدة اللي بدار الترك مصبح حبيس=لا يصاله لا اتصال ولا يجيه الكتاب
ليته توجه لمكة يوم يقرى السديس=وقت التراويح بالقرآن وابليس خاب
ياخوف قلبي لايصبح مثل ( بتوع التبيس)=يوم اصبحوا لقمتن مابين ضرسن وناب
من بعد ما يأكل اللقمة ومعها المريس=هالحين ياكل اسكندر مع فطاير كباب ههههههههههه
ومن بعد ماهو زعيم الحزب وايضا رئيس=للرابطة صار قلبه من سببها صواب
ياناصر افزع لبن عمك بذبحت لميس=من قبل لا يصبح الشايب بجوف التراب