قبيلة بني رشيد - العمده يتذكرالسبع الضاري والجحش وناصر صويان

بيات ان شالله تحوز على رضا الجميع موجهه لبعض الاصدقا الذي غابو باللفتره الاخير عن الموقع

قال الذي حاشه على القلب هوجاس = بقصا الضلوع بوسط قلبن خفوقي
واكثر مجيه كل ماحل الادماس = ولايزول لين الشمس تبداء الشروقي
وكل السبب في فقد بعضن من الناس= ربعي عسا مالله لربعي يعوقي
وين انت ياسبع الفلا معرب الساس= خليتني مابين كلب وسلوقي
وين انت ياجحشن كسب كل نوماس=علمك تلاشا وغرق الدمع موقي
وينك يابو خالد عسا جعل ماباس =ياللي مع الشعار طرقك يشوقي
خليتم العمده ولارياق يباس = في وادين ماشاف لوح البروقي
الا عليه من اقشر الريح نسناس= هيفيتن تيبس ليان العروقي
قامت تشكل فيه من كل الاجناس= صار العوض فيكم وساع الشدوقي
العام من بين العرب ناخذ الكاس= واليوم اكافح لجل تبقا حقوقي
عودو بسرعه يابعد كل بلاس = اظن فكري ياحضرتم يروقي
وانكان ماعتم حصل قطعة الياس= اشيل قشي قبل تكثر طقوقي
لاتفسرون العلم بخماس وسداس = ولاني موضح يكثرن الفتوقي
وصلوا عددماكتب حرفن بقرطاس =على النبي الهاشمي الصدوقي