قصيدة رثائيه للشيخ ضيفالله بن حميد بأخيه
 

ياونتي ونة كسير الجباره

إليا وقف ما احتال وإليا قعد ون

عليك يا شبّاب ضو المناره

عليك ترفات الصبايا ينوحن

من مات عقب عبيد قلنا وداره

لاباكي ٍ عقبه و لا قايل ٍ من

تبكيك صفر ٍ البسوها غياره

تبكيك يوم إن السبايا يعنن

وتبكيك وضح ٍ ربّعت بالزباره

إليا قزن مع خايع ٍ ما يردن

الخيل عفب عبيد مابه نماره

وش عاد لو راحن وش عاد لو جن

ياشيخ ما تامر عليهم بغاره

كود الجروح اللي على القلب يبرن

يقطع صبي ٍ ما ينادي بثاره

إلى أقبلن ذولي وذوليك قفن

يا أهل الرمك كل ٍ يعسف مهاره

والمنع ما نطريه لاهم ولا حن .

هذه القصيده للفارس والشاعر ضيف الله بن تركي

بن حميد شيخ قبيلة عتيبه عندما غزا اخيه عبيد على قبيلة قحطان فقتلوه فقبل ان يغزوا ويأخذ بثأر اخيه قال هذه القيد يستأذن من ابيه الشيخ تركي لكي يغزا فلما غزا قبيلة قحطان العريقه قتل قاتل اخيه وشرب من دمه فاوافته المنيه بعدها بعام اثر الدم الذي شربه حرآ على اخيه الفارس عبيد .. وتقبلو تحياتي

شاكر للك على هذا المر يالفهد والامن نعمه من رب العالمين

شكرا لك اخوي فارس عتيبه وقصيده حزينه للشيخ ضيف الله بن حميد وصدق قول الشاعر ا اصدق الشعر هو شعر الرثاء
والحمدلله على نعة الامن والامان اكرم بعتيبه واكرم بقحطان والله يوفقكم

شا!!!!!!!!!عر شا!!!!!!!!!!!!ب شاكر لك على هذا الاطلاع وتسلم يالنشمي