طلبتك لاتحاكيني عن أحبابك ولا ذكراك=ولا ودي تعلمني عن الماضي ولا أدري
أنا مهمني الماضي ولا أيامه قبل ما ألقاك=أنا عندي بدياتنا بداية عمرك وعمري
أخيراً جيت ياوجهٍ قضي عمري وأنا أستناك=وجيت بصورة فاقت خيالي وحلمي العذري
حبيبي خلنا نبدا حكايتنا أنا وياك=قبل ما الوقت يسرقنا ولحظات الهوى تسري
أنا ابغى حبنا راقي يودي لبعيد هناك=لدنيا مابها فرقى ولا كذبة ولا غدري
إذا عن الوصل أنا أعاهد وربي مابيوم أجفاك=لأخجل بالعطا غيري وجازي صبرك وصبري
أنا طمعان بوصلك وشاري بدنيتي دنياك=وحكم الحب في إيدينك تبيع إحساسي أو تشري
إذا شاري سنين العمر ياعمري الهوى يفداك=ولو إنك بعت لاتنطق أبعرف عندها قدري